Metropolitenin yeni rəisi kimdir? -DOSYE

CƏMİYYƏT

653

20.12.2024, 21:10

Xəbər verdiyimiz kimi, Azərbaycan Prezidenti İlham Əliyev Zaur Mir Tofiq oğlu Hüseynovu “Bakı Metropoliteni” Qapalı Səhmdar Cəmiyyətinin sədri vəzifəsindən azad edib və onun yerinə Vüsal Yusif oğlu Aslanovu təyin edib.

OXU24.COM xəbər verir ki, Vüsal Aslanov 1981-ci ildə Sumqayıt şəhərində anadan olub. 2003-cü ildə Bakı Dövlət Universitetinin Hüquq fakültəsini fərqlənmə diplomu ilə bitirib. 2007-ci ildə Bakı Dövlət Universitetindən mülki və təsərrüfat hüququ ixtisası üzrə magistr dərəcəsi ilə məzun olub.

2004-cü ildən "Azərinşaatservis” MMC-də hüquq müşaviri, daha sonra Biznes İnkişafı Departamentinin direktoru vəzifəsində çalışıb.

2005-2006-cı illərdə hərbi xidmətdə olub. 2006-2013-cü illərdə "Azərinşaatservis” MMC-nin Korporativ əlaqələr və Hüquq Departamentinin direktoru, idarəetmə və hüquqi işlər üzrə direktor müavini vəzifələrində fəaliyyət göstərib.

Həmçinin oxuyun

SON DƏQİQƏ! Tramp gecə saatlarında həmin qərarı verdi

Bu şəxslər ömürlük pensiya alacaq — AZƏRBAYCANDA

Əlilliyi olan şəxslərə mənzillə bağlı ŞAD XƏBƏR: Ekspertlər qaydanı AÇIQLADI

Bu qərar Bakıdakı kirayə evləri uculaşdıracaqmı? — EKSPERT AÇIQLADI

V.Aslanov 2010-2014-cü illərdə "Azərinteltek” QSC-nin idarə heyətinin üzvü olub. 2013-2015-ci illərdə "Azərcon” ASC-nin direktoru vəzifəsində çalışıb. 2014-2015 illərdə əlavə iş yeri olaraq, "Retro-Park” MTK-nin sədri vəzifəsini daşıyıb. 09.10.2015-ci il tarixindən 20.07.2016-cı il tarixədək "Azərbaycan Dəmir Yolları” QSC-nin sədrinin müşaviri olub.

2016-cı ildə "Azərbaycan Dəmir Yolları” QSC-nin sədr müavini vəzifəsinə təyin edilib.

Evlidir, 3 övladı var.