Növbəti Sülh Sammitindən əvvəl hazırlanmalı və təqdim edilməli olan sülh planı müharibəni dayandırmaq üçün Rusiya Federasiyasına təsir etməlidir.

OXU24.COM xəbər verir ki, bunu Ukrayna Prezidenti Vladimir Zelenski Latviya, Litva və Xorvatiya liderləri ilə birgə mətbuat konfransında deyib.

Zelenski diqqətə çatdırıb ki, sülh ilə bağlı plan əvvəlcə Ukraynanı silah-sursat baxımından ciddi şəkildə gücləndirməlidir.

O, bunu hələlik ABŞ Prezidenti Cozef Baydenlə müzakirə etdiklərini deyib: "Bizim sülh, qələbə planımız əsasən ABŞ-nin, həm də digər tərəfdaşların dəstəyindən asılıdır".