Fransa prezidenti Emmanuel Makron baş nazir Qabriel Attalın hökumətinin istefasını qəbul edib.

OXU24.COM xəbər verir ki, bu barədə BFMTV kanalı məlumat yayıb.

“Baş nazir hökumətdən istefa ərizəsini prezidentə təqdim edib və o, bunu qəbul edib”, - deyə məlumatda bildirilir.

Telekanalın məlumatına görə, Attal hökumət üzvləri ilə birlikdə yeni hökumət təyin olunana qədər cari işlərlə məşğul olacaq.

Fransada növbədənkənar parlament seçkilərinin gözlənilməz nəticələrinə əsasən Makronun koalisiyası ikinci yeri tutub və baş naziri istefaya getməyə məcbur edib.

Attal demokratiyaya sadiqliyinə görə istefa verməli olduğunu bildirib.