İlham Əliyev Pakistanda belə qarşılandı -FOTO/VIDEO (YENİLƏNDİ)

Xəbər verdiyimiz kimi, Pakistanda dövlət səfərində olan Azərbaycan Prezidenti İlham Əliyevin iyulun 11-də İslamabadda rəsmi qarşılanma mərasimi keçirilib.

OXU24.COM  həmin anın görüntülərini təqdim edir:

 

17:38 Pakistan İslam Respublikasında dövlət səfərində olan Azərbaycan Respublikasının Prezidenti İlham Əliyevin iyulun 11-də İslamabadda rəsmi qarşılanma mərasimi keçirilib. Publika.az xəbər verir ki, hər iki ölkənin Dövlət bayraqlarının dalğalandığı meydanda Azərbaycan Prezidentinin şərəfinə fəxri qarovul dəstəsi düzülmüşdü. Pakistan İslam Respublikasının Baş naziri Məhəmməd Şahbaz Şərif Azərbaycan Respublikasının Prezidenti İlham Əliyevi qarşıladı. Əvvəlcə rəsmi foto çəkdirildi. Azərbaycan Respublikasının və Pakistan İslam Respublikasının Dövlət himnləri səsləndirildi. Fəxri qarovul dəstəsinin rəisi dövlətimizin başçısına raport verdi. Azərbaycan Prezidenti fəxri qarovul dəstəsinin qarşısından keçdi. Pakistan nümayəndə heyəti Prezident İlham Əliyevə, Azərbaycan nümayəndə heyəti isə Baş nazir Məhəmməd Şahbaz Şərifə təqdim olundu.