Bu yolda insanlar niyə ölür?   —   Sakinləri  qorxuya salan KƏNDDƏN GÖRÜNTÜ 

Bu ərazidə demək olar ki,ayda bir neçə dəfə qəza baş verir.Hətta bu qəzaların bir çoxunda ağır xəsarət alanlar  və həyatını itirənlər də olur.

Söhbət  Ucar  rayonu,Qarabörk kəndi  ərazisində yerləşən   “Povorot  MirHeydər   Ağa” adlanan  döngədən gedir.  Bu  kənd  Zərdab   rayonuna  və  digər    kəndlərə  gedən   yolun   üzərində  yerləşdiyindən   avtomobillərin  hərəkətinin   sıxlığı  müşahidə    olunur. Avtomobillərin   sıx  hərəkətdə  olduğu  ərazidə  insanların  həyatı   və  sağlamlığı  üçün  təhlükə  də   vardır.   Nəzərə alsaq ki,yolun üzərində  iki məktəb  də yerləşir.

Bu barədə  Oxu24.com-a  sözügedən kəndin  sakinləri  məlumat  verib.

Kənd sakinlərinin sözlərinə  görə,ərazidə  radar  olmadığından  avtomobillərin  sürət  həddinə  nəzarət  etmək  mümkün  deyil. Bu səbəbdən də  burada    tez-tez  qəzalar baş  verir. Bu isə  onları  daim  gərgin  durumda  saxlayır.

Kənd  sakinlərinin  verdiyi  məlumata  görə,özləri,azyaşlı  övladları  daim  təhlükə və  qorxu  altında  yaşayırlar. Bununla bağlı  rəsmi qurumlara  müraciət  edərək  ərazidə  sürət  həddinə  nəzarət  məqsədi ilə  radarların  quraşdırılmasını  xahiş  ediblər.

Sakinlərin  şikayəti  əsasında  sözügedən  ünvanda  olduq. Müşahidələrimiz  zamanı  həqiqətən də  ərazidən  keçən  avtomobillərin  sürət  həddinin  yüksək  olması  aydın  görünürdü. Araşdırmamız   zamanı  məlum oldu ki,müxtəlif  illərdə  bu  ərazidə  baş  vermiş  ağır  qəzalarda  kənd  sakinləri  Ağasəf  İsmayılov,Məhəbbət Şahverdiyeva,anası Naibə Şahverdiyeva və azyaşlı  Həsən Xəlilov    həyatlarını  itiriblər. Bu,təkcə  kənd ərazisində   yaşayan  insanlardır.  Həmin   ərazidə yaşamayan şəxslər də  qəzalarda  ölüblər  və ya  ağır  xəsarətlər  alıblar.  Bu isə  ərazidə  təhlükənin  olmasını  sübut  edir.

Oxu24.com  məsələnin  hüquqi  tərəfinə  nəzər  salıb.

Ərazilərə  radar  quraşdırılması  necə  həyata  keçirilir? Bu  prosesi  hansı  qurum  nəzarət  edir?

Mövzu ilə bağlı   saytımıza   danışan  nəqliyyat üzrə  ekspert  Ərşad   Hüseynov  bildirib  ki,radarların  harada  qoyulmalı olması  qanunvericilikdə  konkret  olaraq  göstərilməyib.

Ekspertin  sözlərinə  görə,dünya  təcrübəsinə  əsaslansaq,bu, tip  radarlar  sürət  rejiminin  daha  təhlükəli  qəzalara  səbəb  olduğu  yerlərdə  quraşdırılır.Radarlar  məhz  ən  riskli  qəzaların  olduğu  yerlərə  quraşdırılır.

Həmçinin oxuyun

2026-cı ildə Bakı və İrəvanı nələr gözləyir? - İLGİNC PROQNOZ 

Əməliyyat: Rəis və digərləri HƏBS EDİLİB

Mikayıl Cabbarov mühüm məlumatı AÇIQLADI:  2 milyard dollar dəyərində...

Azərbaycanın ən qocaman MƏMURLARI: Onların 80 yaşı var  - SİYAHI  

Ərşad  Hüseynovun sözlərinə  görə,dünya  təcrübəsində  sürət  radarları  ilə  yanaşı,başqa  üsullardan  da istifadə  olunur. Bunlar  yerlərdə  quraşdırılan  xüsusi  maneələrdir. Həmin maneələrdən  müəyyən edilmiş  sürət  həddini keçdikdən sonar avtomobildə xüsusi  səslər hiss olunur.  Bu zaman  sürücü  müəyyən edilmiş  sürət  həddini  keçdiyini  anlayır   və  sürəti  aşağı  endirir.  Müasir   dünyada   daha   çox   bu  metoddan  istifadə  olunur.  

Bəs,radarları hansı qurum  quraşdırmalıdır?

Nəqliyyat üzrə ekspert  Ərşad  Hüseynovun sözlərinə  görə,radarların quraşdırılması  üçün  sakinlər  Azərbaycan Respublikası Baş Dövlət Yol Polisi İdarəsinə  müraciət  etməlidirlər. Bu müraciətdən  sonra    Azərbaycan Yerüstü Nəqliyyat Agentliyi  ilə    Baş Dövlət Yol Polisi İdarəsinin  birgə  fəaliyyəti  əsasında  radarların  quraşdırılması  mümkündür.

Mövzu ilə bağlı  Oxu24.com  rəsmi qurumlara   sorğu ünvanlayıb.Mövzunu diqqətdə  saxlayacağıq.

Miri Məcidli