Burun əməliyyatı hansı hallarda pulsuz OLACAQ?   —  EKSPERTLƏ MÜZAKİRƏ

Bu şəxslərə burun əməliyyatı PULSUZ oldu  

Azərbaycanda icbari tibbi sığorta çərçivəsində göstərilən xidmətlər zərfinə plastik və rekonstruktiv cərrahiyyənin daxil edilməsi cəmiyyətdə müəyyən suallara yol açıb. Vətəndaşları ən çox maraqlandıran məqam isə gələcəkdə estetik müdaxilələrin də bu siyahıya salınıb-salınmayacağıdır.

Mövzu ilə bağlı Oxu24.com-a açıqlama verən tibb eksperti Rasif Bağırov bildirib ki, tibbi əməliyyatlar fərdlərin subyektiv arzuları ilə deyil, yalnız peşəkar tibbi göstərişlər əsasında həyata keçirilməlidir.

Ekspert qeyd edib ki, icbari tibbi sığortanın əsas fəlsəfəsi insanları xəstəliklərdən qorumaq və real sağlamlıq problemlərini həll etməkdir:

"Tibbi əməliyyat yalnız tibbi zərurət yarandığı halda, vətəndaşın və ya onun yaxınlarının icazəsi ilə icra olunmalıdır. Kimsə hansısa kompleksdən azad olmaq istəyirsə, bunun müxtəlif yolları var. Estetik məsələlər tamam başqa mövzudur və insanın şəxsi istəyinə əsaslanır. İnanmıram ki, gələcəkdə sırf estetik məqsədli əməliyyatlar icbari tibbi sığorta paketinə daxil edilsin”.

Rasif Bağırovun sözlərinə görə, estetik müdaxilələrin sığorta sisteminə daxil edilməsi həm hüquqi, həm də tibbi baxımdan ciddi fəsadlara və məsuliyyət yükünə səbəb ola bilər:

"Əgər belə bir addım atılarsa, gələcəkdə çoxsaylı problemlər meydana çıxa bilər və bütün bu uğursuz nəticələrin məsuliyyəti icbari tibbi sığorta qurumunun üzərində qalar. İcbari tibbi sığorta insanı xəstəliklərdən və həyati risklərdən xilas etmək üçün nəzərdə tutulmuş bir sistemdir”.

Qeyd edək ki, hazırda icbari tibbi sığorta zərfinə daxil olan plastik və rekonstruktiv əməliyyatlar yalnız anadangəlmə qüsurlar, travmalar və ya yanğınlar nəticəsində yaranan, orqanizmin funksiyasına mane olan halları əhatə edir. Sırf görünüşün dəyişdirilməsinə xidmət edən kosmetik əməliyyatlar ödənişsiz xidmətlər siyahısında yer almır.

Çimnaz Telmanqızı

Həmçinin oxuyun

SON DƏQİQƏ! Seyfəddin Rəhimov dünyasını dəyişib

Arzum bu halda azadlığa çıxa bilər - Vəkil açıqladı 

Vida mərasimində Azərbaycana mesaj: 139-cu ayə ilə nəyə eyham vuruldu? 

“Uzundərə" hədəfdədir: Erməni saxtakarlığı və elmi həqiqətlərin qarşıdurması — “Oxu24.com"un ARAŞDIRMASI