Pişikdən sizə bu qorxunc xəstəliklər keçə BİLƏR

TİBB

24.02.2026, 16:25

Pişiklərdə olan infeksiyalar təəssüf ki, həm onları, həm də təmasda olan insanları xəstələndirə bilər.

Oxu24.com-a danışan infeksionist Roza Murad bildirib ki,toksoplazmoz - adətən öz-özünə sağalan infeksion xəstəlikdir, lakin hamilələrdə döl üçün risk yarada bilən, immunçatışmazlığı olan şəxslərdə isə ağır gedişli xəstəliyə səbəb olan infeksiyadır.

Həkimin sözlərinə görə,pişik cırmağı nəticəsində insanlarda bir sıra xəstəliklər yarana bilər.Onlar aşağıdakılardır:

(Bartonelloz) - Adətən regionar limfa düyünlərinin böyüməsi, yüksək hərarətlə gedən infeksion xəstəlikdir.

Göbələk infeksiyaları - dəridə dairəvi lezyonlar şəklində meydana çıxır (feline dermatofitozis).

Quduzluq - quduzluğa yoluxmuş pişiyin dişləməsi və ya ağız suyunun zədələnmiş dəri və selikli qişaya düşməsi ilə yoluxan həyati təhlükəli infeksiyadır.

Həmçinin oxuyun

TƏCİLİ! AMEA-dan açıqlama: Ramiz Mehdiyevin...

Bu rayonlara qar yağır

Nazirlər Kabineti yeni QƏRAR VERDİ

Müşfiq Abbasov bu məşhurun yeznəsi İMİŞ — DETALLAR

Bağırsaq parazitləri - giardia , kriptosporodilər kimi bağırsaq parazitləri pişikdən insana yoluxa və xroniki bağırsaq infeksiyaları törədə bilir.

Gənə və birə ilə keçən infeksiyalar - həm gənə və birələrin özü ilə, həm də onların daşıdığı viruslarla yoluxma mümkündür (Lyme xəstəliyi və s)

Pasterella infeksiyası - pişiyin dişləməsi zamanı onun ağız suyundakı bakteriyalar yumşaq toxuma infeksiyalarına səbəb ola bilər.

Qeyd: Post pişiklərdən uzaq durmağı deyil, pişiklərlə yaşayan və ya onlarla təmasda olan şəxslərdə bəzi infeksiyaların diaqnostikasında bu amilin də nəzərə alınmasının vacibliyini xatırlatmaq məqsədi daşıyır. Peyvəndlə həm sevimli dostlarımızı, həm də özümüzü qoruya bilərik.

Hazırladı: Nigarxanım