Eşşək südünün faydasını biləndən sonra HƏR KƏS İÇƏCƏK

TİBB

1456

10.11.2025, 18:40

"Ögey ana"filminin məşhur səhnəsi yəqin ki, yadınızdadır.Qızdırmanı salmaq üçün eşşək südü ilə sarımsağın qarışımı məsləhət görülür.El arasında isə adətən davamlı öskürək tutmalarında bu vasitəyə əl atılarmış.

İndiki zamanda uşaqlarda inək südü allergiyası hallarında bir sıra ölkələrdə alternativ vasitə kimi eşşək südü istifadə edilir.

Azərbaycanda eşşək əti yeyilməsə də,südündən istifadə olunur.Bəs,eşşək südünün tərkibi nədir?

Mövzu ilə bağlı Oxu24.com-a danışan pediatr Ülvi Əliyev bildirib ki,tərkibi keçi südünə yaxındır,şəkəri çox,yağı az,zülalı yüksəkdi.

Pediatrın sözlərinə görə,kron xəstəliyinin müalicəsində effektli ola biləcəyi düşünülür.Allergik astmada heyvan modellərində müsbət təsiri barədə məqalələr var.Tip 2 şəkərli diabet müalicəsində müsbət nəticələri görülüb.

Tərkibində eşşək südü olan sabun və kremlər Avropada istehlakda var.

Eşşək südü A və C vitamini,kalsium və selenlə zəngindir.Lizosim və alfa laktalbumin yüksəkliyi antimikrob təsiri ilə əlaqəlidir.

Bundan əlavə eşşək südünün tərkibində inək südündən 9 qat çox taurin var.Taurin faydalı aminturşudu.Kazein zülalı azdı deyə allergiyalarda yaxşı təsir edir.

Eşşək südü həmçinin qədimdən kosmetik vasitə kimi istifadə edilib.Misir Hökmdarı Kleopatra ,Roma imperatorlarının zövcələri Messalina,Poppeya Sabina bu südlə vanna qəbul ediblər,Napoleonun bacısı Polina Borgeze üzündəki qırışları azaltmaq üçün istifadə edib.

Hippokrat qızdırma,öskürək,burun qanaxması,ödem kimi hallarda eşşək südünü tövsiyə edib.

XIX əsr Fransasında yetim uşaqları eşşək südü ilə bəsləyirmişlər.

Bir heyvandan gündə 1litr süd sağmaq olur.İçməzdən əvvəl mütləq qaynatmaq lazımdır.

Hazırladı: Nigar

Həmçinin oxuyun