İcbari tibbi sığortaya görə ödəniş yalnız bu şəxslərə ŞAMİL OLUNACAQ – RƏSMİ 

“Qanunvericiliyə edilən yeni dəyişikliyə görə, dövlətin daim vəsait ödəyəcəyi şəxslər ciddi şəkildə artırılır. Əmək qabiliyyəti olmayan şəxslər, işsizlər, pensiyaçılar, əlilliyi olan şəxslər, uşaqlar, tələbələr və digər geniş əhali qrupları birbaşa dövlətin təminatında olur. Öz hesabına sığortalanan şəxslər isə – yəni rəsmi məşğul olan, əmək müqaviləsi ilə çalışanlar, sahibkarlar, kənd təsərrüfatı ilə məşğul olan ailə təsərrüfatları – qanunla müəyyən edilən qaydada öz haqlarını ödəyirlər”.

Oxu24.com   xəbər verir ki, bunu maliyyə naziri Sahil Babayev Milli Məclisin Təbii ehtiyatlar, energetika və ekologiya, Əmək və sosial siyasət, Səhiyyə, Beynəlxalq münasibətlər və parlamentlərarası əlaqələr komitələrinin birgə iclasında gələn ilin dövlət büdcəsi ilə bağlı müzakirələr zamanı deyib.

Nazir qeyd edib ki, qanunda yeganə istisna – qeyri-formal məşğul olan şəxslərdir:

“Bu nə deməkdir? Bu şəxslər qanunu pozaraq sahibkarlıq və ya əmək fəaliyyəti ilə məşğul olur, gəlirlərini gizlədir və qeydiyyatdan yayınırlar. Qanun bu şəxsləri məsuliyyət daşıyan kateqoriya kimi müəyyənləşdirir və onların sığortalanması yalnız öz vəsaitləri hesabına, bir dəfəlik ödənişlə mümkündür.

Həmçinin oxuyun

Yuxu dərmanı atıb yatanlara VACİB XƏBƏR 

Putin buna görə Əliyevdən üzr istəyib — RUSİYANIN AÇIQLAMASI

Məhkəmə Ramiz Mehdiyevin kürəkəni barədə QƏRAR VERDİ

Qulunc qırmağın bu  mənfi nəticəsi var imiş    —   Həkim XƏBƏRDARLIQ ETDİ

Bəzən kimsə bunu hansısa formada işsiz şəxslərə də şamil etmək istəyir. Xeyr, qanun birbaşa göstərir ki, işsiz şəxslər, sahibkarlıq fəaliyyəti ilə məşğul olanlar, aktiv VÖEN-i olan şəxslər, qeydiyyatda olan ailə-fermer, kəndli təsərrüfatları da - yəni, rəsmi şəkildə fəaliyyət göstərən bütün şəxslər, habelə işsiz olan şəxslərin vəsaiti dövlət tərəfindən təmin edilir. Yalnız qanunu pozaraq gəlirini gizlədən şəxslərin sığortalanması özləri tərəfindən birdəfəlik haqq ödənilərək həyata keçirilir”.

Sahil Babayev qeyd edib ki, bu yanaşmanın məqsədi uçotun aparılması və qeyri-formal məşğulluğun rəsmi formaya keçirilməsidir. Hökumət bunun üçün də müxtəlif imkanlar təmin edir.

İcbari Tibbi Sığorta üzrə Dövlət Agentliyi İdarə Heyətinin sədri Zaur Əliyev isə qeyd edib ki, qeyri-formal çalışan şəxslər icbari tibbi sığortadan kənar qalsalar da, təcili baş verən hadisələrdə icbari tibbi sığortadan yararlana biləcək.