Övladları birinci yerə çıxdı - Video
16 Noyabr 2026, 19:28
Qaynar xətt:
(+99450) 247 90 86
ŞOU-BİZNES
2096
28.01.2025, 19:55
Mərhum aktrisa Çimnaz Sultanovanın atası Mütəllim Heybətov Teleqraf.com-un suallarını cavablandırıb.
Onunla müsahibəni təqdim edirik:
- Qızınız Çimnaz Sultanova yanvarın 15-də bağırsaq xərçəngindən vəfat etdi. Onun ölüm haqqında şəhadətnaməsini xəstəxanadan götürmüsünüzmü? Həmin sənəddə nə yazılıb?
- Bəli, qızımın ölümü haqqında şəhadətnaməsini xəstəxanadan götürmüşəm. Orada yazılıb ki, qızım guya böyrək çatışmazlığından əziyyət çəkib. Amma ekiprizdə (müalicә başa çatdıqda, yaxud onun müәyyәn mәrhәlәsindә xәstәnin vәziyyәti, xәstәliyin başvermә sәbәblәri vә inkişafı, müalicәnin әsaslandırılması vә nәticәsi haqqında yazılı qәrar, vacib tibbi uçot sәnәdi-red.) qeyd edilir ki, bağırsaq xərçəngindən əziyyət çəkib. Bağırsaqlarında şiş metastaz verib.
Qızımın səhhəti çox pis idi. Hansı xəstəxanaya üz tutduq, qəbul etmədilər. Nəhayət, "Zəfəran” Hospitalına müraciət etdik, sağ olsunlar, qəbul elədilər. O zaman Çimnazın səhhəti çox pisləşmişdi, özündə deyildi. Axşam özü mənə zəng etdi ki, ata, indi yaxşıyam. Amma səhər vəziyyəti pisləşdi.
Qızımı reanimasiyaya yerləşdirmişdilər. Həkim dedi ki, gec gətirmisiniz, vəziyyəti çox ağırdır. Bakı Sağlamlıq Mərkəzindən "Zəfəran" Hospitalına ağır vəziyyətdə aparmışdıq. Mən heç kimin adını çəkmək istəmirəm...
- Qızınızın ölümündə həkimin məsuliyyətsizliyini iddia edirsiniz. Bununla barışmısınızmı?
- Həkimin məsuliyyətsizliyi ilə barışmıram. Qızım birinci dəfə əməliyyat ediləndə həkimdən soruşdum ki, nəticə necə olacaq? Mənə cavab verdi ki, ən azı bir aydan sonra yaraları sağalacaq. Amma 21 gündən sonra qızımı təkrar əməliyyata çağırdılar, xəstəxanaya depozit də qoyduq. Qızımı öldürdülər, sonra ayağa qaldırdılar. 17 saat əməliyyat aparıldı. Yarası sağalmırdı, vəziyyəti pisləşmişdi, on gün reanimasiyada qalmalı oldu.
Mənə bir çox cərrahlar dedilər ki, əməliyyatdan sonra xəstəxanadan tez çıxarılmalı deyildi, iki-üç ay orada qalmalı idi. Yəni əməliyyatından 21 gün sonra xəstəxanadan çıxmalı deyildi.
Az öncə qeyd etdiyim kimi, heç kimin adını çəkmək istəmirəm, Allah onların bəlasını versin! Məni necə çətinliyə saldılar, qızımın ağrılarını gördüm! Özləri də əziyyət çəksinlər. Çimnazın ağrılarını görmək mənə çox böyük stress yaşatdı. Çox əziyyət çəkirdi, ağrıkəsicilər belə təsir etmirdi. Bu haqda danışa bilmirəm (kövrəlir).
- Həkimlərə qarşı rəsmi qurumlar qarşısında hər hansı iddia qaldırmağı düşünürsünüzmü?
- Xeyr, iddia qaldırmaq istəmirəm. 21 gündən sonra ikinci əməliyyat zamanı öz ayağı ilə xəstəxanaya apardım, sonra hərəkəti məhdudlaşdı. Onları Allaha tapşırıram.
- Neçə övladınız var?
- İki qızım, iki nəvəm var. Qızım Çimnazın oğlu Almaniyada yaşayır.
- Çimnaz Sultanovanın oğlu anasının dəfn mərasiminə gəldi?
- Xeyr, anasının dəfn mərasimində iştirak edə bilmədi. İmkan tapsa, 40 mərasiminə gələcək.
- Qızınızın qəbirüstü abidəsi hazırlanırmı?
- Beş-altı aydan sonra qəbirüstü abidəsi hazır olacaq. Mart ayından etibarən qəbirüstü abidəsi üçün hazırlıq başlayacaq.
- Çimnaz Sultanovanın ən böyük arzusu nə idi?
- Mənə deyirdi ki, ata, səhhətim düzəlsin, Almaniyaya gedək. Arzusu Almaniyaya köçmək, orada müalicə almaq idi.
- Siz də Almaniyada yaşayırsınız?
- Xeyr, mən Bakıdayam. Qızımın keçmiş həyat yoldaşı və oğlu orada yaşayırlar.
- Çimnaz Sultanova xəstəliyini bu müddət ərzində necə gizlətdi? Bunun səbəbi nə idi?
- Düzdü, xəstəliyini hamıdan gizlədirdi. Mənə tapşırmışdı ki, ata, xahiş edirəm, xəstəliyim haqqında nə anam, nə də bacım xəbər tutsun. Həmişə özünü gülərüzlü və problemini heç kimə bildirdirmirdi.
10:49 / 20 Noyabr 2026
1
10:40 / 20 Noyabr 2026
27
10:20 / 20 Noyabr 2026
63
10:20 / 20 Noyabr 2026
55
10:16 / 20 Noyabr 2026
70
10:10 / 20 Noyabr 2026
98
10:10 / 20 Noyabr 2026
61
10:03 / 20 Noyabr 2026
234
10:00 / 20 Noyabr 2026
120
10:00 / 20 Noyabr 2026
95
09:51 / 20 Noyabr 2026
77
09:46 / 20 Noyabr 2026
79
09:41 / 20 Noyabr 2026
82
09:34 / 20 Noyabr 2026
103
09:31 / 20 Noyabr 2026
608
09:26 / 20 Noyabr 2026
79
09:14 / 20 Noyabr 2026
90
09:01 / 20 Noyabr 2026
68
08:37 / 20 Noyabr 2026
65
23:55 / 19 Noyabr 2026
183
23:26 / 19 Noyabr 2026
223
23:22 / 19 Noyabr 2026
217
23:15 / 19 Noyabr 2026
234
© 2026 Oxu24.com Müəllif hüquqları qorunur.