Azərbaycanın balanslı xarici siyasəti: Viktor Yuşenkonun Bakı səfəri hansı mesajları verir? — ŞƏRH  

Azərbaycan Respublikasının Prezidenti İlham Əliyev avqustun 17-də Bakıda səfərdə olan Ukraynanın sabiq Prezidenti Viktor Yuşenkonu qəbul edib. Bu görüş mövcud Rusiya-Ukrayna müharibəsi fonunda regionun siyasi gündəmində diqqət çəkən mühüm hadisələrdən biri kimi qiymətləndirilir. Səfər Azərbaycanın Ukrayna ilə humanitar və siyasi dialoqu ardıcıl şəkildə davam etdirdiyini, eyni zamanda özünün balanslı xarici siyasət xəttinə sadiq qaldığını növbəti dəfə nümayiş etdirir. Keçmiş dövlət başçısının qəbul edilməsi Ukrayna xalqına və dövlətinə verilən mənəvi dəstəyin simvolik göstəricisi olmaqla yanaşı, rəsmi Bakının regional sülh və sabitliyə verdiyi önəmi vurğulayır. Bu təmaslar rəsmi Kiyevlə mövcud münasibətlərin saxlanıldığını göstərsə də, Azərbaycanın strateji mövqeyində və ya xarici siyasət prioritetlərində köklü dəyişiklik yaratmır. Həm Rusiya, həm də Ukrayna ilə neytral və konstruktiv əlaqələri qoruyan Azərbaycan bu səfərlə mövcud siyasi tarazlığın pozulmadığını bir daha təsdiqləyib. 

Məsələ ilə bağlı Oxu24.com-a açıqlama verən politoloq Tural İrfan bildirib:

"Məlumdur ki, Azərbaycanın Ukrayna ilə münasibətləri normal inkişaf tempində davam edir. Ukraynanın sabiq prezidenti Viktor Yuşenkonun Bakı səfəri və Prezident İlham Əliyevlə görüşü Azərbaycanın balanslı xarici siyasətini qoruduğunu, Ukrayna ilə humanitar və siyasi dialoqu davam etdirdiyini göstərir”.

Onun sözlərinə görə, bu görüş rəsmi Kiyevlə əlaqələrin önəmini vurğulayır, lakin mövcud müharibə fonunda Azərbaycanın strateji xəttində və ya mövqeyində köklü bir dəyişiklik yaratmır. Sabiq prezidentin qəbul edilməsi Ukrayna xalqına və dövlətinə verilən mənəvi dəstəyin simvolu kimi qəbul olunur. Eyni zamanda Azərbaycan həm Rusiya, həm də Ukrayna ilə münasibətləri qoruyur. Səfər bu tarazlığın pozulmadığını göstərir.

Politoloq qeyd edib ki, habelə, rəsmi olmayan və ya keçmiş liderlər səviyyəsində təmaslar gələcək rəsmi addımlar üçün zəmin yaradır, münasibətlərdə tamamilə yeni siyasi xətt açmır:

“Belə görüşlər bərpa işləri, enerji dəstəyi və humanitar yardımlar sahəsində əlaqələri gücləndirə bilər və müharibədən sonrakı dövr üçün iqtisadi planların müzakirəsinə şərait yarada bilər”,- deyə o əlavə edib. 

Çimnaz Telmanqızı

Həmçinin oxuyun

İşləyən şəxslərə VACİB XƏBƏR: Məzuniyyət belə veriləcək

Məktəbli faciəli şəkildə həyatını itirdi  - FOTO

5 oktyabrda bu bürclərə uğurlu olacaq   —  ULDUZ FALI

10 gün ərzində qeydiyyata düşməyənləri CƏRİMƏ GÖZLƏYİR – Hüquqşünas açıqladı