Prezidentdən polkovnik-leytenantla bağlı SƏRƏNCAM - FOTO

SİYASƏT

7846

08.04.2026, 14:10

Xəbərlərimizi Google-da izləyin

Yeniliklərdən dərhal xəbərdar olun

Abunə ol

Dövlət Gömrük Komitəsi kollegiyasının tərkibi genişləndirilib.

Oxu24.com xəbər verir ki, Prezident İlham Əliyevin Sərəncamı ilə “Azərbaycan Respublikası Dövlət Gömrük Komitəsi kollegiyasının tərkibinin təsdiq edilməsi haqqında” Sərəncama edilən dəyişiklikdə əksini tapıb.

Sərəncama əsasən, Azərbaycan Respublikası Dövlət Gömrük Komitəsi Aparatının rəhbəri də siyahıya əlavə edilib.

Qeyd edək ki, Azərbaycan Respublikası Dövlət Gömrük Komitəsi Aparatının rəhbəri Kənan Əsədovdur.

O, Gömrük xidməti polkovnik-leytenantı rütbəsindədir.

1996-cı ildə Bakıda anadan olmuşdur.

2013-cü ildə orta məktəbi qızıl medal ilə bitirərək Bakı Dövlət Universitetinin Beynəlxalq Əlaqələr fakultəsinə qəbul olmuşdur. 2014-2018-ci illərdə Birləşmiş Krallığın Edinburq Universitetində Maliyyə və Mühasibatlıq ixtisası üzrə bakalavr və magistr dərəcəsində təhsil almış və fərqlənmə ilə bitirmişdir. 2015, 2016, 2017 ci illərdə müvafiq olaraq Ernst&Young, Deloitte&Touche, İnvestaz şirkətlərində işləmişdir.

2019 - cu ilin iyul ayından Dövlət Gömrük Komitəsi Gömrük Risklərinin İdarəolunması və Audit Baş İdarəsinin, Audit idarəsinin inspektoru vəzifəsində fəaliyyətə başlamışdır.

2020-ilin noyabr ayında Gömrük Risklərinin İdarəolunması və Audit Baş İdarəsinin, Risklərin idarəolunması idarəsinə inspektor vəzifəsinə təyin olunmuşdur. 2022-ci ilin yanvar ayında həmin İdarənin rəis müavini vəzifəsinə təyin edilmişdir.

2023-cü ilin mart ayında Gömrük Risklərinin İdarəolunması və Audit Baş İdarəsinin, Risklərin idarəolunması idarəsinə rəis təyin olunmuşdur.

2023-ci ilin oktyabr ayında Dövlət Gömrük Komitəsi Aparat rəhbərinin müavini vəzifəsinə təyin olunmuşdur.

2025-ci ilin dekabr ayından Dövlət Gömrük Komitəsi sədrinin müvafiq əmri ilə Aparat rəhbəri vəzifəsinə təyin edilmişdir.

Ailəlidir, iki övladı var.

Həmçinin oxuyun