İran Azərbaycana niyə hücum etdi? - İLGİNC AÇIQLAMA

SİYASƏT

5401

05.03.2026, 14:32

Xəbər verdiyimiz kimi, bu gün İran İslam Respublikasının ərazisindən Naxçıvan Muxtar Respublikasına dron hücumları həyata keçirilib. Dronlardan biri Naxçıvan Muxtar Respublikasının Hava Limanının terminal binasına, digəri isə Şəkərabad kəndində məktəb binasının yaxınlığına düşüb.

Dron hücumları zamanı iki nəfər mülki şəxs xəsarət alıb. Naxçıvan Muxtar Respublikasının Səhiyyə Nazirliyindən verilən məlumata görə, hazırda həmin şəxslərin vəziyyəti stabildir.

Beynəlxalq məsələlər üzrə mütəxəssis, politoloq Əziz Əlibəyli İranın nə üçün Naxçıvan Muxtar Respublikasını hədəf alması barədə fikirlərini Oxu24.com-la bölüşüb.

Politoloqun sözlərinə görə, İranın Naxçıvanı hədəf alması, həm də Türkiyə kartı ilə hərəkətə keçməsi deməkdir:

“İran rejimi qüruba yaxınlaşır və yaxınlaşdıqca da ətraf ölkələri daha çox qorxu altında saxlayır, təhdid və şantaj edir ki, Amerika Birləşmiş Ştatları üzərində bir basqı yaratsın. Digər tərəfdən, bu hücum Azərbaycana da bir mesajdır. Məlumdur ki, Naxçıvan kommunikasiyalar, Zəngəzur dəhlizi baxımdan ölkəmiz üçün vacibdir...Təbii ki,İranın burada məkrli siyasəti var. Bu,siyasəti həyata keçirmək üçün bu addımlar atılıb”,-deyə politoloq qeyd edib.

Qeyd edək ki, münaqişə başlayandan bəri Azərbaycan İranla qonşuluq siyasətinə sadiq qalıb, Azərbaycan xarici işlər naziri Ceyhun Bayramov İran xarici işlər naziri Abbas Əraqçıya zəng edərək, Azərbaycan ərazisindən heç bir qonşu və dost dövlətə, o cümlədən İrana qarşı istifadə edilməyəcəyi ilə bağlı Ali Baş Komandan İlham Əliyevin dəfələrlə dediyi fikirləri bir daha xatırladıb.

Həmçinin oxuyun

Sosial yardım almaq istəyənlər bunları BİLMƏLİDİR

30 yaşına qədər sağalarlarsa, yenidən əsgər getməli olacaqlar — PREZİDENT İMZALADI

Kəmaləddin Heydərovun yeni müavini bu universitetdə oxuyubmuş — AÇIQLAMA

Prezident TƏSDİQLƏDİ: Məlumat bankı yaradılacaq

Azərbaycan Prezidenti İlham Əliyev İranın Ali rəhbəri Xameneinin öldürülməsi ilə bağlı bu ölkəyə başsağlığı verən nadir dünya liderlərindən biri olub. Prezident İranın Azərbaycandakı səfirliyini şəxsən ziyarət edib, başsağlığı verib.

Azərbaycan İran səfirinin mətbuat konfransı keçirərək ölkəsinin mövqeyini ifadə edə bildiyi azsaylı ölkələrdən olub.

Azərbaycan İranla sərhəd-keçid məntəqəsindən keçidi təmin edərək, həm İrandakı digər ölkə vətəndaşlarının təxliyəsinə, həm də İran vətəndaşlarının öz ölkələrinə keçidinə şərait yaradıb.

Bütün bunlara baxmayaraq, molla rejimi bu gün hədəfləri arasına Azərbaycanın ayrılmaz hissəsi olan Naxçıvan Muxtar Respublikasını daxil edib, Naxçıvan şəhəri və aeroportunun ərazisinə dron zərbələri endirib.

Bu isə molla rejiminin mahiyyətini, düşmənçilik xislətini və nankorluğunu bir daha ortaya qoyur.

Növbəti dəfə aydın olur ki, İran rejimi dağıdıcı, heç bir “qırmızı xətt” tanımayan, qonşuluq, dostluq siyasətindən anlamayan mahiyyətə malikdir. Bu rejimin addımları onun dostluq və xeyirxahlığı anlamamaqla yanaşı, beynəlxalq hüquqa və ölkələrin suverenliyinə hörmət etmədiyini də göstərir.