Azərbaycanlılar İrəvanda nələri müzakirə etdi? 

13-14 fevral “Sülh körpüsü” təşəbbüsü çərçivəsində keçirilən 3-cü görüşdə iştirak etmək imkanı qazandım. Beynəlxalq tədbirlər çərçivəsində dəfələrlə Ermənistandan olan iştirakçılarla qarşılaşsam da, bu səfər tamamilə fərqli idi. Sülh prosesi çərçivəsində budəfəki görüş öz simvolizmi ilə seçilirdi.

 Oxu24.com xəbər verir ki,bu sözləri Axar.az-a açıqlamasında Sosial Tədqiqatlar Mərkəzinin sektor müdiri, politoloq İlyas Hüseynov deyib.

Onun sözlərinə görə, görüşdə etimadın möhkəmləndirilməsi, ictimai diplomatiya və cəmiyyət səviyyəsində yaxınlaşmanı dəstəkləyən praktik tövsiyələrin hazırlanmasına xüsusi diqqət yetirilib:

“Regional təhlükəsizlik, sərhədlər və bağlantılarla bağlı məsələlər də geniş müzakirə olundu. Hər iki tərəfin baxışları və gözləntiləri konstruktiv mühitdə ifadə edildi. Eyni zamanda, əməkdaşlıq, o cümlədən birgə layihələr, ictimai kommunikasiya strategiyaları və cəmiyyətlərarası qarşılıqlı əlaqə mexanizmlərini müzakirə etdik.

Dialoq zamanı davamlı sülhün üstünlükləri yenidən nəzərdən keçirildi və Azərbaycanla Ermənistan cəmiyyətləri arasında münasibətlərin qurulmasının mümkün sosial-iqtisadi faydaları diqqətə çatdırıldı”.

Həmçinin oxuyun

Məşhur general qadın da gedir? - FHN-də BAŞ VERƏNLƏR

Vüqar Qurbanov vəzifəsindən azad edildi

“Teleseriallarımız niyə Biləcəridən o yana keçmir, beynəlxalq müsabiqələrə qatılmır?”- Tanınmış prodüsser gizlinləri açır  

Çoxmərtəbəli yaşayış binasında yanğın BAŞLADI

İlyas Hüseynov proqram çərçivəsində Ermənistanın Təhlükəsizlik Şurasının katibi Armen Qriqoryan və xarici işlər nazirinin müavini Vahan Kostanyanla görüşlər keçirildiyini bildirib:

“Onlara müvafiq suallar ünvanladıq və hər iki cəmiyyətdə ictimai gözləntiləri və sülh prosesinin vətəndaşlar üçün real nəticələr verməsinin yollarını müzakirə etdik.

Bu müzakirələr sülh gündəliyinin dəstəklənməsində vətəndaş cəmiyyətinin rolu və ictimai təşəbbüslərin rəsmi səyləri necə tamamlayacağı barədə fikir mübadiləsi üçün yeni imkan yaratdı. Tədbir müzakirələrin yekunlarına dair mətbuat konfransı ilə başa çatdı. Daha sonra delimitasiya olunmuş sərhəd hissəsindən geri qayıtdıq, bu da etimadın möhkəmləndirilməsi istiqamətində növbəti praktik addım oldu”.