Rusiya ilə Ermənistan arasında nələr BAŞ VERİR? — Siyasi analitikin ŞƏRHİ   

Siyasi analitik Lavrovun açıqlamasını şərh etdi:”Bu, İrəvana “bizdən yaxanı qurtara bilməzsən” hədəsidir”.

Rusiya xarici işlər naziri Sergey Lavrov  açıqlama verib. O, bildirib ki, Moskva Ermənistanı və digər strateji tərəfdaşlarını xarici təsirlərin qarşısında qoymaq niyyətində deyil. Bu mesaj Rusiyanın Ermənistana “ ABŞ-yə  sığınmaqla məndən yaxanı qurtara bilməzsən” anlamına gəlmir ki?

Oxu24.com-un suallarını siyasi-analitik Elməddin Behbud  cavabladırıb. 

O, bildirib ki, Kreml  vəziyyətə münasib şəkildə getdikcə ritorikasında dəyişiklik etməkdə israrlıdır.

Həmçinin oxuyun

Prezident sərəncam İMZALADI: Bu rayonlarda yaşayanlara yeni evlər tikiləcək

Bu ailələrə pul veriləcək -SƏRƏNCAM

Prezidentdən bu rayonlarla bağlı SƏRƏNCAM

Qar və dolu ilə bağlı XƏBƏRDARLIQ

”Bildiyimiz kimi xeyli müddətdir ki, Rusiyanın müxtəlif səviyyəli rəsmiləri təmsil etdikləri dövlətin “Beynəlxalq Sülh və Rifah naminə Tramp Marşrutu”(TRIPP) layihəsinə qoşulmaq istəklərini ifadə edirlər. Bu ardıcıl cəhdlər rəsmi İrəvanın neqativ məzmunlu reaksiyaları ilə məhdudlaşdırıldıqca Kremlin ritorikası da dəyişir. Bununla Rusiya Ermənistana "ABŞ-a sığınmaqla məni neytrallaşdıra bilməzsən" mesajını vermiş olur. Əslində bu gözlənilən idi. Çünki rəsmi Moskvanın Ermənistanı təsir dairəsində saxlamaq, həmçinin, ABŞ-nin  regional layihələrdəki iştirakını əngəlləmək məqsədilə iqtisadi və təhlükəsizlik alətlərindən istifadə etməsi təəccüblü deyil. Rusiya özünü Ermənistan dövlətinin yaranmasının səbəbkarı və varlığının qarantiyası hesab edir. Sergey Lavrov və digər rus diplomatların "xarici təsirlərdən qorumaq" və "strateji tərəfdaşlıq" ifadələri, əslində, Ermənistanın Qərbə yaxınlaşmasının Kremlin mənafeyi baxımından qəbuledilməz təhlükəsizlik riski olduğunun bəyanıdır. Rusiyanın hazırki siyasi davranışları Ermənistanın müstəqil xarici siyasət manevrlərini məhdudlaşdırmağa çalışmaq və onu regiondakı iqtisadi-logistik layihələrdən kənarlaşdırmaq cəhdlərinin ağır nəticələrə gətirib çıxaracağının xəbərdarlığıdır. Rusiya özünü yalnız həlledici söz sahibi hesab edir, köməkçi rolla barışmaq istəmir. Düşünürəm ki, Rusiya Ermənistanı əbədi forpostu statusunda saxlamaq üçün bütün təzyiq vasitələrindən istifadə etməyə davam edəcək. İyun seçkilərinədək bu dinamikanın yüksələcəyi isə tamamilə gözləniləndir",-deyə  Elməddin Behbud bildirib.

Xatırladaq ki, Rusiya TRIPP layihəsində iştirak arzusuna Ermənistandan sərt reaksiya diqqətləri çəkib. Ermənistan Parlament spikeri Alen  Simonyan qeyd edib ki, Rusiyanın  TRIPP layihəsinə qoşulması   TRIPP-in qəfil işləməsinin qarşısını almaq üçün mümkün olan hər şeyi etmək deməkdir.

 Əntiqə Rəşid