Günün sualı: Aİ nə vaxtsa anlayacaq ki, heç kimə gərək deyil?  

Gürcüstan parlamentinin spikeri Şalva Papuaşvili Feysbuk səhifəsində yazıb ki, Venesuelada cəmi bir neçə dəqiqə davam edən əməliyyat beynəlxalq nizamın qarantı və qlobal geosiyasi oyunçu kimi AB-nin artıq mövcud olmadığını və çox güman ki, mövcud olmayacağını təsdiqlədi.

Aİ “ölü”  olması fikirlərini ötən ilin dekabrında amerikalı milyarder İlon Mask “X” hesabında yazmışdı:” Aİ -ni aradan qaldırmaq lazımdır, suverenlik isə ayrı-ayrı ölkələrə qaytarılmalıdır ki, hökumətlər öz xalqlarını daha yaxşı təmsil edə bilsin”.

Xüsusən biz azərbaycanlılar  AB-nin mövcud olmadığını Venesuela mövzusundan  çox əvvəl hiss etmişik.

Xatırlayırsınızsa, 2020-ci ilin əvvəllərində  qondarma Dağlıq Qarabağda xunta rejiminin keçirdiyi saxta prezident və parlament seçkiləri bir şou və təlxəklər tamaşası  təşkil edəndə Avropa Şurası  və Qərb dövlətləri bu saxta seçkilərlə bağlı səsini belə çıxarmadı. Baxmayaraq ki, bu pandemiya dövründə keçirilən seçki idi.

 Avropa Parlamentinin Azərbaycana yönəlik qərəzi illərdir ki, davam edir. Düz 30 il, erməni lobbisinin  əlində alətə çevrilən bu qurum Azərbaycan əleyhinə müxtəlif qətnamələr qəbul etməklə, işğala, separatizmə, qanunsuz hərəkətlərə dəstək verdiyini sübut edib. Ermənistanın və erməni lobbisinin kirli maliyyəsinin təsiri altında  çıxış edən ermənipərəst  deputatların irqçi, islamofob, türkofob mövqeləri, ikili standartları sərgiləyən Apnı gözdən salmaya bilməzdi.  Aİ ikili standartının ən bariz nümunəsi isə  bütün problemlərə Ermənistan kontekstindən yanaşmasıdır. Məhz bu ikili standartlara görə, Azərbaycan torpaqları 30 ilə yaxın ermənilərin işğalında inləyib. bir milyona yaxın soydaşımız didərgin həyatı yaşayıb,  soyqırıma məruz qalıb.

Həmçinin oxuyun

Yüksək vəzifələrə təyinatlar oldu   —  Yeni rəis KİMDİR?

Bank bağlanırsa,kredit borcu da ləğv olunur? - AÇIQLAMA 

Prezident yeni FƏRMAN İMZALADI

Nazir ona yüksək vəzifə verdi - FOTO 

 Eləki Azərbaycan öz gücü ilə öz torpaqlarını işğalçılardan  təmizləməyə başladı, bax onda Aİ əsl sifətini və “fəaliyyətini ortaya qoydu. Avropa İttifaqının müşahidəçilərini  Ermənistan-Azərbaycan sərhədinə göndərərək guya “sabitliyin artırılması yolu”nu təşkil etdilər.  Avropa İttifaqının ürəyi sakitləşmədi,  Ermənistandakı “araqarışdırıcı missiya”nın - müşahidəçilərin sayını 138-dən 209-a çatdırdı.

Baxmayaraq ki, Bakı və İrəvan arasında faktiki olaraq sülhün təmin edilməyə çalışılır, amma hələ də, daha dəqiq ötən ilin noyabrında  Ermənistanda fəaliyyət göstərən Avropa İttifaqının (Aİ) müşahidə missiyası Ermənistan–Azərbaycan sərhədində 7000-ci “yubiley” monitorinqini həyata keçirib. 

Görəsən, fəaliyyəti missiyasının əksini göstərən  Aİ nə vaxtsa anlayacq ki, heç kimə gərək deyil...?

Əntiqə Rəşid