Sabiq XİN başçısı:Dünya siyasətini müəyyən edən 3 əsas mərkəz mövcuddur

“Cənab Prezident dünyada birincilər sırasındadır ki, beynəlxalq hüququn tənəzzül etməsi ilə bağlı bəyanatlar verirdi. Çünki beynəlxalq qanunların işləməməsini Azərbaycan birbaşa hiss edirdi. Görürdük ki, xüsusən Qarabağ məsələsi ilə bağlı ikili standartlar var. Nəticədə digər dövlətlərdən fərqli olaraq, öz məsələmizi elə özümüz həll etdik”.

Oxu24.com xəbər verir ki, bu sözləri “Yeni Sabah”a sabiq xarici işlər naziri Tofiq Zülfüqarov deyib.

Onun sözlərinə görə, güclünün öz mövqeyini diktə etməsi uzun illərdir ki, beynəlxalq siyasətdə mövcuddur:

"Uzun müddət inanırdıq ki, Qarabağ münaqişəsini sülh yolu ilə həll etmək mümkün olacaq. Amma Venesuelada və digər ölkələrdə ötən ilin əvvəlindən etibarən başlayan bəzi proseslər faktiki reallığı daha da qabarıq şəkildə göstərir. "Kim güclüdür, o da haqlıdır" prinsipi bir müddət müxtəlif ideoloji donlar altında gizlədilirdi. Sovet dövründə kommunist ideologiyası kapitalizmlə qarşıdurmada idi. Sonralar liberal-demokratlar digərləri ilə mübarizə aparmağa başladı. Amma real addımlar onu göstərir ki, kimə necə sərf edir, elə də siyasət formalaşdırır. Buna bariz nümunəsi İraqda, Əfqanıstanda, Ukraynada özünü əyani şəkildə göstərdi”.

Politoloq qeyd edib ki, dünya siyasətini müəyyən edən 3 əsas mərkəz mövcuddur:

Həmçinin oxuyun

Bu müəllimlərin qiymətləndirilməsi qaydası dəyişir   —  Ekspert yeniliyi AÇIQLADI

Ali təhsil aldığı müddət ərzində uşaq  aliment tələb edə bilərmi?

Bank borcu və maaşın 50 faizi: bu qanunidirmi?  

Vəfat edən neft işçisinin 60 min manatlıq sığorta vəsaiti ailəsinə verilə bilərmi?  

“Trampın yeniliyi ondan ibarətdir ki, o, ideoloji donları qırağa atıb konkret deyir ki, məqsədim budur. Çoxlarının bu yanaşmadan xoşu gəlməsə də, reallıq belədir. Mən şəxsi təhlilimdə görürəm ki, hazırda dünyada 3 siyasi-texnoloji mərkəz var. Bunlar ABŞ, Avropa İttifaqı və Çindir. Bu rəqabətin əsas bünövrəsi texnoloji gücdür. Rusiyanı bu mərkəzlər arasında qoymaq düzgün olmazdı. Çünki ruslar texnoloji üstünlüyü tamamilə itiriblər”.

T.Zülfüqarov vurğulayıb ki, artıq BMT-nin heç bir əsas funksiyası yoxdur:

“Rəqabətin əsas məqsədləri təbii ehtiyatlar, enerji resursları və kommunikasiyalardır. Bir çox siyasətinin bəyanatlarına baxsaq, görərik ki, məhz bu mövzular ətrafında siyasi aktivlik görünür. Zəngəzur dəhlizi də məhz bu məsələlər sırasındadır. Dövlət başçısının da yerli telekanallara müsahibəsində vurğuladığı kimi, beynəlxalq təşkilatlar, ö cümlədən BMT öz funksiyalarını çoxdan itirib. Bu isə yaxın gələcəkdə bəzi regional aktorların yeni lokal münaqişələr yaradacağından xəbər verir”.

Qeyd edək ki, Prezident İlham Əliyev yanvarın 5-də televiziya kanallarına müsahibəsində deyib ki,  bugünkü dünyada beynəlxalq hüquq deyilən məsələ yoxdur: “Bunu hər kəs gərək unutsun. Güc var, əməkdaşlıq var, müttəfiqlik var, qarşılıqlı dəstək var”.