Ağ Evdə Tramp Netanyahu zirvəsi başladı 

ABŞ Prezidenti Donald Tramp və İsrailin Baş naziri Benyamin Netanyahu arasında Ağ Evdə görüş başlayıb.

Oxu24.com xarici mətbuata istinadən xəbər verir ki, Tramp görüş öncəsi jurnalistlərin "Qəzzada sülh olacaqmı?" sualına qısa və konkret cavab verib: "Bəli."

Tarixi görüş zamanı Tramp Netanyahunu Ağ Evin qarşısında şəxsən qarşılayıb. Daha sonra iki lider "Qəzza" mövzusunda bağlı qapılar arxasında danışıqlara keçib.

Jurnalistlərə qısa açıqlama verən Tramp, "Qəzzada sülh olacaqmı?" sualını "Bəli" cavabı ilə təsdiqləyib. Bu, danışıqların sülh istiqamətində aparılacağına işarə kimi qiymətləndirilir.

Mətbuata sızan məlumatlara görə, Tramp administrasiyasının Qəzzaya dair planı aşağıdakı mərhələləri əhatə edir:

Atəşkəs və əsirlərin təhvil verilməsi: Həmas və İsrail razılığa gəldikdən sonra hücumlar dayandırılacaq, 48 saat ərzində Qəzzada olan bütün israilli əsirlər - həm sağ, həm də həlak olmuşlar - geri qaytarılacaq.

Müvəqqəti idarəetmə: Qəzza texnokratlardan ibarət müvəqqəti hökumət tərəfindən idarə olunacaq. Təhlükəsizliyi beynəlxalq sülhməramlı qüvvələr təmin edəcək, İsrail ordusu isə mərhələli şəkildə tamamilə bölgədən çıxacaq.

Həmçinin oxuyun

Bu ərazilərdə qar yağmağa BAŞLADI     —    PROQNOZ 

İlhamə Quliyevanın bacısı qızı ilə bağlı  ŞOK İDDİA: Araşdırma aparılır

Pensiya ilə bağlı VACİB XƏBƏR 

Toyuq ətinin rəngi nəyi göstərir?  - VACİB MƏLUMAT 

Hökumət dəyişikliyi və Həmas: Müvəqqəti idarəetmə Ramallah rəhbərliyi lazımi islahatları həyata keçirdikdən sonra idarəni onlara təhvil verəcək. Həmas silahlarını təhvil verəcək, bölgədə qalmaq istəyən Həmas rəhbərlərinə toxunulmayacaq, getmək istəyənlərə isə ölkəni tərk etməyə icazə veriləcək.

Fələistinlilərin vəziyyəti: Qəzzadakı fələstinlilər bölgədə qalmağa təşviq ediləcək, məcburi köçürülmə olmayacaq. İstəyənlər getsə də, sonradan geri dönmək hüququna malik olacaqlar.

Zirvə görüşü, Qəzza müharibəsinin gündəmin mərkəzində olduğu və İsrailin tez-tez tənqid edildiyi BMT Baş Assambleyasının Nyu-York iclasından sonra baş tutur.

Tramp və Netanyahu bir çox məsələdə eyni mövqeni paylaşsalar da, bəzi mövzularda fikir ayrılıqlarının üzə çıxacağı gözlənilir.

Xüsusilə Tramp ötən həftə Türkiyə Prezidenti Rəcəb Tayyib Ərdoğanla görüşündən sonra İsrailin Qərbi Şəriəni Qəzza və Şərqi Qüds ilə birləşdirərək ilhaq etməsinə icazə verməyəcəyini bildirmişdi. Analitiklərə görə, belə bir addım Trampın ilk prezidentliyi dövründə vasitəçiliyi ilə imzalanan və İsraillə bir sıra ərəb ölkələri arasında diplomatik əlaqələr qurulmasına səbəb olan tarixi İbrahim Sazişlərini poza bilər.