Mikroavtobus sürücüsü avtobus dayanacağında 5 qızı zorlamaqda ittiham olunur

Rusiyada azyaşlılar zorakılığa məruz qalıb.

Kubanda mikroavtobus sürücüsü avtobus dayanacağında 11-14 yaş arası 5 qızı zorlamaqda günahlandırılıb.

 

Oxu24.com xəbər verir ki, bu barədə Rusiyanın region üzrə İstintaq İdarəsi məlumat yayıb.

 

İstintaqın məlumatına görə, bu ilin yanvar ayından may ayına kimi Severski rayonunun İlski kəndində ictimai nəqliyyatın son dayanacağında bir kişi beş qıza qarşı seksual xarakterli cinayətlər törədib.

 

Yetkinlik yaşına çatmayanların cinsi toxunulmazlığına qarşı cinayətlər törətməkdə ittiham olunan yerli sakinə qarşı cinayət işi açılıb.

“Hazırda müstəntiqin vəsatəti əsasında məhkəmə təqsirləndirilən şəxs barəsində həbs-qətimkan tədbiri seçib. Hazırda cinayət işi üzrə sübutların toplanması və təmin edilməsi istiqamətində zəruri istintaq hərəkətləri davam etdirilir”, - deyə idarədən bildirilib.

Bundan əvvəl bir kişi turistə kömək etməyi təklif edib və onu zorlayıb.

 

Afət