Rusiyanın üzünə necə baxacaqsınız? - Elmar Məmmədyarov 

"2004-cü ildə Praqada aparılan danışıqlarda əsas məqsəd Ermənistanın Azərbaycan torpaqlarından sülh yolu ilə çıxması olub".

Oxu24.com   xəbər verir ki, bunu Azərbaycanın sabiq xarici işlər naziri Elmar Məmmədyarov İctimai Televiziyada yayımlanan "Təmas xətti" verilişində 2003-2004-cü illərdə Ermənistanla aparılan danışıqları şərh edərkən deyib.

"2004-cü ildə Praqada həm həmsədrlərlə, həm də Ermənistanın xarici işlər naziri ilə görüşlər zamanı biz ilk növbədə dedik ki, BMT Təhlükəsizlik Şurasının qətnamələri əsas götürülsün. Onların əsasında elə bir mexanizm qurulmalı idi ki, Ermənistan sülh yolu ilə Azərbaycan torpaqlarından öz qoşunlarını çıxarsın", - deyə sabiq nazir qeyd edib.

Elmar Məmmədyarov həmin dövrdə baş verən Praqa prosesinin mahiyyətinin müstəqillik, suverenlik və ərazi bütövlüyü prinsiplərinə əsaslandığını vurğulayıb: "Bizim mövqeyimiz ondan ibarət idi ki, müstəqillik, suverenlik və ərazi bütövlüyü çərçivəsində danışıqlar aparılsın. Vaxtilə ulu öndər Heydər Əliyevin dediyi kimi, Qarabağda yaşayan ermənilərə ən yüksək səviyyədə muxtariyyət verməyə hazır idik, amma Azərbaycanın ərazi bütövlüyü daxilində. Müzakirələr "Madrid prinsipləri" modelinə əsaslanırdı".

Sabiq nazir əlavə edib ki, o dövrdə Azərbaycan Prezidenti İlham Əliyevlə Ermənistan prezidenti Robert Koçaryan arasında görüş zamanı tərəflər arasında fikir ayrılıqları yaranıb: "Cənab Prezident mənə bildirdi ki, dünya Ermənistanın ərazi bütövlüyü çərçivəsində mövqe tutmasını istəyir, Koçaryan da bunu başa düşdü. Buna görə də o, prosesdən imtina etməyə başladı, amma bunu açıq şəkildə etmirdi, qorxurdu. Çünki Rusiyadan, ABŞ-dən və Fransadan təzyiqlər var idi. Həmsədrlər gedişatı uzatmaq istəyirdilər - sanki sonsuz bir prosesə çevirmək niyyətində idilər".

Elmar Məmmədyarov həmçinin Ermənistanın ozamankı xarici işlər naziri Edvard Nalbandyanla Parisdə keçirilən görüşü xatırladığını deyib: "Nalbandyan mənə dedi: "İnan, Elmar, bizə çox təzyiq var ki, Ermənistan Qarabağın müstəqilliyini tanısın". Mən isə cavab verdim: "Əgər tanımaq istəyirsinizsə, tanıyın, amma sonra ABŞ, Rusiya və Fransanın üzünə necə baxacaqsınız?" Çünki bu, sülh prosesinin tam dayanması demək olardı".

Həmçinin oxuyun

 16 ildir rayona rəhbərlik edən 80 yaşlı icra başçısı - FOTO  

Xarabalıqlar üzərində qurulan cənnət: Otuz illik həsrətin möhtəşəm dönüşü   — Millət vəkilləri DANIŞIR

İcra başçıları KÜTLƏVİ ixtisarlara başladı – Vəzifələr niyə ləğv edilir?

Azərbaycanda iki tələbənin MEYİTİ TAPILDI

Mövzu ilə bağlı daha ətraflı videomaterialı təqdim edirik: