Almaniya onları həbs etdi

DÜNYA

345

02.09.2026, 21:08

Xəbərlərimizi Google-da izləyin

Yeniliklərdən dərhal xəbərdar olun

Abunə ol

Almaniya hakimiyyəti Leypsiq hava limanında baş verən dron hadisəsində iki şübhəlinin kimliyini müəyyən edib.

Oxu24.com xəbər verir ki,bu barədə Süddeutsche Zeitung (SZ) qəzeti mənbələrə istinadən məlumat verib.

Qəzetin məlumatına görə, şübhəlilər əslən Rusiyadan olan Latviya vətəndaşı və Rusiya pasportuna malik Belarus vətəndaşıdır. Müstəntiqlər hesab edirlər ki, birinci şəxs iyulun sonlarında Berlinə uçub, daha sonra icarəyə götürülmüş avtomobillə Leypsiqə gedib. Hadisədən iki gün əvvəl həmin şəxs Almaniyanı təyyarə ilə tərk edib.

Qəzetin məlumatına görə, müstəntiqlər dronlardan birində DNT izləri tapıblar və bu izlər ikinci şübhəlinin tapılmasına səbəb olub. O, Avropa İttifaqına İtaliya turist vizası ilə gəlib.

1 sentyabrda Almaniya hakimiyyəti Rusiyanı Leypsiq hava limanına "hibrid hücum" təşkil etməkdə ittiham edib və Berlindəki Rus Evini və Bonndakı Rusiya Baş Konsulluğunu bağlamaq qərarını açıqlayıb. Almaniya həmçinin Avropa İttifaqındakı ruslar üçün yeni sanksiya siyahılarının yaradılması təşəbbüsü ilə çıxış edir və Rusiyaya qarşı daha sərt sanksiyaların tətbiq olunmasını, Rusiya vətəndaşları üçün giriş nəzarətinin tətbiq edilməsini və Rusiyanın sözdə "kölgə donanmasına" təzyiqin artırılmasını tələb edəcək.

Avqustun əvvəlində Leypsiq hava limanında Ukraynaya məxsus An-124 yük təyyarəsinin yaxınlığında alçaqdan uçan dron müşahidə edilib. Müstəntiqlər dronun təxminən 800 qram partlayıcı maddə daşıdığını müəyyən ediblər. Cihaz nəticədə nasaz detonator səbəbindən partlaya bilməyib. Ayın sonunda Politico qəzeti bildirib ki, Berlin hadisənin arxasında Moskvanın dayandığından şübhələnir və təkzibolunmaz dəlil olmadığını etiraf etsə də, ona qarşı "milli tədbirlər" hazırlayır.

Nigar

Həmçinin oxuyun