İrana hücumla bağlı ŞOK PROQNOZ: Nə olacaq?

DÜNYA

1017

16.03.2026, 14:39

Xəbərlərimizi Google-da izləyin

Yeniliklərdən dərhal xəbərdar olun

Abunə ol

“ABŞ-İran qarşıdurması qısa zamanda bitəcək bir münaqişə deyil” - Politoloq

Artıq bir neçə müddətdir ki, ABŞ-İran qarşıdurması beynəlxalq siyasətin gərgin nöqtələrindən biridir. İki ölkə arasında gərginliklər nüvə proqramı, Yaxın Şərqdə hərbi müdaxilələr, eləcə də regional nüfuz mübarizəsi ilə daha da dərinləşib. Hərbi münaqişənin nə zaman tamamilə çözüləcəyinə dair dəqiq proqnoz vermək çətindir.

Münaqişənin nə zamana kimi davam edəcəyi təxminləri barədə Oxu24.com-a açıqlama verən politoloq Turab Rzayev bildirib ki, bu tip qarşıdurmalar uzunömürlü ola bilər, çünki hər iki tərəfin strateji məqsədləri ziddiyyətlidir:

“Regional müttəfiqlər - İsrail, Səudiyyə Ərəbistanı, Rusiya və Çin də bu münaqişəyə əlavə qatqı verirlər. Münaqişənin bitmə vaxtını dəqiq göstərmək mümkün deyil, amma bəzi ssenarilər var. Belə ki, nüvə anlaşmaları və ya yeni diplomatik müqavilələr nəticəsində gərginlik azala bilər. Lakin bu, tərəflərin kompromisə getməsindən asılıdır”.

Politoloq hərbi eskalasiya riskinin olduğunu qeyd edib:

“Sanksiyalara cavab olaraq və ya regional toqquşmaların nəticəsində kiçik hərbi əməliyyatlar davam edə bilər, amma genişmiqyaslı müharibə ehtimalı azdır. Gördünüyü kimi ABŞ-İran qarşıdurması qısa zamanda bitəcək bir münaqişə deyil, bu, geosiyasi, iqtisadi və strateji maraqların qarşıdurmasıdır. Əslində, bu qarşıdurma “dondurulmuş konflikt”ə çevrilə bilər, yəni münaqişə davam etsə də, hər zaman hərbi toqquşmaya çevrilmir”.

Yeganə

Həmçinin oxuyun