Rusiyanın bu ölkəyə hücumu nə dərəcədə REALDIR? — Siyasi şərhçi DANIŞIR

DÜNYA

1105

12.02.2026, 11:48

Norveçin müdafiə naziri Eyrik Kristoffersen gələcəkdə Rusiyanın onların ölkəsinə hücum etmə ehtimalının olduğunu bildirib.O, Moskvanın şimaldakı nüvə obyektlərini qorumaq üçün Norveçə qarşı tədbir görə biləcəyini qeyd edib.

Bəs, Ukrayna ilə müharibədə kifayət qədər itkilərə məruz qalmış, zəifləmiş Rusiya belə bir durumda başqa bir ölkəyə hücum üçün səfərbər ola bilərmi?

Mövzu ilə bağlı Oxu24.com-un suallarını siyasi analitik Elməddin Behbud cavablandırıb.

Həmçinin oxuyun

Azərbaycanda qar yağacaq — XƏBƏRDARLIQ

DSMF ödənişlərlə bağlı AÇIQLAMA YAYDI

“Qarabağ”ın haqqı yeyildi, yoxsa hakim düzgün qərar verdi? – Azərbaycan futbolunda QALMAQAL

Nazirdən yeni təyinatlar - FOTO

Siyasi şərhçi bildirib ki, Rusiyanın ritorikasına baxsaq, görərik ki, rəsmi Moskva bu ritorikanı Polşa və Litvayaya da qarşı da sərgiləyib.

"Rusiyanın istədiyi sabit geosiyasi bir xətt var ki, o xətt daha çox hərbi ritorika üzərində qurulub. Xüsusilə 2022-ci ilin fevralın 24-dən etibarən Ukrayna dövlətinə qarşı başladığı bu müharibə bir daha göstərir ki, Rusiya bir çox hallarda gözlənilməz qeyri-adekvat və çox sərt radikal qərarlar da qəbul edə bilir. Bunu icra da edir. Amma bütün bunlara rəğmən, mən düşünmürəm ki, Rusiya üçün yeni bir müharibə lazımdır və ya o, müharibə ona uğur gətirə bilər. Xüsusilə Norveçlə müharibə! Burada hesab edirəm ki, daha çox mesajlar Avro-Atlantik bloka, ABŞ-yə ünvanlanıb və onları Rusiya əleyhinə gözlənilən qərarlardan çəkindirici xarakter daşıyır. Heç bir halda Qərbi Avropa ölkəsi ilə, Norveçlə Rusiyanın hansısa hərbi eskalasiyası Kremlə xeyir gətirməz. Əminəm ki, böyük hərbi iqtisadi, demoqrafik məhrumiyyətlərlə üz-üzə qalan Rusiya növbəti belə bir savaşa girə bilməz” -deyə siyasi şərhçi vurğulayıb.

Əntiqə Rəşid