“Rusiyanın tələb etdiyi bu iki şəhər “qalib” görüntüsü üçün lazımdır” – Anar Natiqoğlu Putinin planını ifşa edir  

Putin Ukraynadan Kramatorsk və Slovyansk kimi qala şəhərləri tələb edib və bu şəhərlərin Rusiyaya təslim edilməsindən sonra sülh danışıqlarına gedilməsinin mümkün olduğunu vurğulayıb. 

Putin niyə məhz bu şəhərləri tələb edir? Bu şəhərlərin əhəmiyyəti, tarixi önəmi nədir?

Oxu24.com   mövzu ilə əlaqədar Ukraynada yaşayan azərbaycanlı jurnalist, diaspora fəalı  Anar Natiqoğlu ilə əlaqə saxlayıb.

Həmçinin oxuyun

9 mayda bizi nələr GÖZLƏYİR?   —  ULDUZ FALI

Prezident İMZALADI:Bu iş DTX-yə həvalə OLUNDU

ŞAD XƏBƏR: Qadınların pensiya yaşı aşağı salına bilər... 

DTX-nin ən ağır maddələrlə axtarışa verdiyi Camalovun kriminal DOSYESİ  

Jurnalist bildirib ki, əslində Kramatorsk və Slovyansk  şəhərləri əhalisi azo lan şəhərlərdəndir:” Bu şəhərlər  əhalisi o qədər də çox olmayan yaşayış məntəqələridir. Savaşa qədər Kramotorskda 100 min, Slovyanskda 55 min əhali yaşayıb. Sadəcə olaraq 2014-də Donetsk vilayətinin boyük hissəsi, mərkəz Donetsk şəhəri daxil işğal olduqdan sonra Ukrayna Kramotorsku “de fakto” vilayət mərkəzi kimi istifadə edib. Slovyansk isə Kramotorsku da daxil olduğu Kramotorsk rayonuna aid olunub.

 Müharibəyə qədər bu bölgədə həm sovet dönəmi, həm də müstəqillik illərində əsasən ağır sənayenin maşınqayirma, metallurgiya, dəzgahqayırma sahələri inkişaf edib. İndi isə yarı dağılmış vəziyyətdə olan cəbhə xəttinin bu məntəqələrini əhəmiyyətli edən Donetsk vilayəti üzrə Ukraynanın nəzarətində olan son bir neçə şəhər olmalarıdır. Krımın işlərindən sonra, xatırlayırsınızsa, Putin əsasən Donetsk və Luqansk vilayətlərində "xalq respublikaları"nın formalaşmasından, rusdilli əhalinin Kiyev mərkəzi hakimiyyətə tabe olmaq istəməməsindən danışırdı. 2022-ci ildə xüsusi əməliyyat adı ilə Ukraynaya hərbi təcavüz başladan zamanda da o ilk öncə Donetsk və Luqanskın sərhədlərinin bərpasından söhbət edirdi. Savaşın gedişində isə bu vilayətlərə Xerson və Zaporojyeni də əlavə edərək guya bu 4 bölgədə yaradılan "qondarma" respublikaların könüllü rusiyaya birləşdiyini elan etdilər. Amma bu da son danışıqlar və nəticə əldə etmək üçün kart idi. Əsas məqsəd Krımı birbaşa danışıqlar məsələsindən çıxarmaq və Donetsk- Luqanskını bütövlükdə Rusiyanın tabeliyinə keçməsi idi. Yəni, bu iki adını çəkdiyiniz şəhərləri əhəmiyyətli edən Putinin gələcəkdə daxili auditoriyaya hesablanmış "məqsədimizə çatdıq" mesajının verilməsidir” -deyə Anar Natiqoğlu vurğulayıb .

Əntiqə Rəşid