Simonyandan Zaxarovaya etiraz: “Rusiyanın TRIPP -ə qoşulması, layihənin işləməsinin qarşısını almaqdır”  

Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə “Rusiya TRIPP layihəsinə qoşulmaq üçün mümkün variantları araşdırmağa hazırdır” açıqlamasından sonra  diqqətlər Ermənistana yönəlib.

 Oxu24.com  xəbər verir ki,  nəhayət Rusiyanın  bu açıqlamasına  Ermənistandan  rəsmi cavab açıqlaması gəlib.

Ermənistan parlamentinin  spikeri Alen Simonyan  erməni mediasına  verdiyi müsahibədə Rusiyanın bu təşəbbüsünə   real baxmadığını  deyib.

"TRIPP erməni-amerikan təşkilatıdır. Əgər söhbət hansısa marşrut və ya yolun açılmasından gedirsə, mənim fikrimcə, bu, ayrıca, hansısa təşəbbüs olmalıdır. Amma Rusiyanın TRIPP layihəsinə qoşulmasını bir az absurd hesab edirəm”.

Həmçinin oxuyun

Trampa qarşı sui-qəsddə xəyanət, yoxsa səriştəsizlik? – AÇIQLAMALAR  

Onların maaşları artırılacaq - RƏSMİ 

Prezident sərəncam İMZALADI: Bu rayonlarda yaşayanlara yeni evlər tikiləcək

Bu ailələrə pul veriləcək -SƏRƏNCAM

Simonyan onu da qeyd edib ki, Rusiyanın  TRIPP layihəsinə qoşulması   TRIPP-in qəfil işləməsinin qarşısını almaq üçün mümkün olan hər şeyi etmək deməkdir. 

Məlumat üçün qeyd edək ki,  Cənubi Qafqaz Dəmir Yollarının (CQDY) konsessiyası Moskvaya məxsusdur.  CQDY-nın icarəsinə dair Ermənistan və Rusiya arasında 2008-ci ilin fevral ayında imzalanmış 30 illik müqavilənin birinci 20 ili 2027-ci ildə başa çatır. Bundan sonra Ermənistan müqaviləni 10 il müddətinə uzatmaq və ya ondan imtina etmək hüququna malikdir.Rusiya bu üstünlüyündən istifadə edərək layihədə olmaq imkanlarını araşdırır. Ermənistan isə onun layihədə olmaması üçün bütün imkanlarından istifadə etməyi düşünür. Məsələn, Cənubi Qafqaz Dəmir Yollarının əsaslı təmirini  şərt kimi ortaya ataraq, Rusiyabu layihədən çəkindirməyə çalışır...

Xatırladaq ki,  mövzu ilə əlaqədar  Alen Simonyan 5-6 fevral tarixlərində Rusiyada rəsmi səfərdə olacaq. Alen Simonyan görüşlə bağlı qeyd edib ki, "səfər həmkarım xanım Matviyenkonun dəvəti ilə həyata keçirilir və onunla, eləcə də Rusiya xarici işlər naziri ilə görüş planlaşdırılır".

 P.S. Görünür  Zaxarova “mümkün variantlar” deyəndə  Ermənistan parlamentinin  spikerini Moskvaya çağırıb ona “hərbə-zorba” gəlməyi də  nəzərdə tutub.

 Əntiqə Rəşid