78 nəfərin can verdiyi otel yanğını – Türkiyənin matəmindən 1 il ötür   

Türkiyənin Qartalqaya dağ-xizək kurortunda yerləşən “Grand Kartal” otelində baş verən güclü yanğından bu gün bir il ötür.

 Oxu24.com xəbər verir ki, 34-ü uşaq olmaqla 78 nəfərin həyatına son qoyan, 133 nəfərin yaralanması ilə nəticələnən otel yanğını dünya tarixində ən ölümcül otel yanğınlarından biri oldu .

 Ölkəni matəmə çuğlayan bu faciə 12 mərtəbəli Grand Kartal Otelinin dördüncü mərtəbəsindəki mətbəxdən , yerli  vaxtla saat 03:21-də başlayan yanğınla alışdı. Alov sürətlə aşpazların qonaqlar üçün səhər yeməyi hazırladığı mətbəxdən bütün otaqlara sıçradı. Yanğını söndürmək əvəzinə aşpazlar çaxnaşma içində küçəyə qaçıb, alov tez bir zamanda otelin bütün mərtəbələrinə yayılıb.  Oteldə yanğın siqnalı söndürülü olub.

Yanğınla bağlı aparılan istintaq çərçivəsində 19 nəfər həbs edildi. Onların arasında otelin sahibi, meneceri, kurortun yaxınlığında yerləşən Bolu şəhərinin meriyasının nümayəndələri, Balu bələdiyyəsi sədrinin müavini də vardı.

 Yanğın zamanı oteldə ümumilikdə 238 qonaq olub. Sağ qalanlar otelin yanğın siqnalizasiyasının işə düşmədiyini və yanğın çıxışlarının və ya tüstü detektorlarının olmadığını danışdılar. Bəzi insanlar çarşafları və yorğanları bir-birinə bağlayaraq və pəncərələrindən çıxaraq oteldən qaçmağı bacardılar. 

22 yanvar isə Türkiyədə milli matəm günü elan edildi.

 Xatırladaq ki, otel yanğınları Türkiyədə dəfələrlə baş verib. 1983 və 1996-cı illərdə İstanbul Laləlidəki otellərdə baş verən yanğınlarda toplam 53 nəfər həlak olub. 

 Amma dünyada dəhşətli nəticəsi olan otel yanğınında ilk yer 25 dekabr 1971-ci ildən Koreyanın payına düşür. Paytaxt Seul şəhərindəki “Daeyeonggak Hotel”də baş verən yanğın dünyanın ən ölümcül otel yanğınlarından biri sayılır. Yanğın zamanı 191 nəfər həlak lub, çox sayda insan yaralanıb.

 Əntiqə Rəşid

Həmçinin oxuyun

Laborantlıqdan Baş nazirə kimi YÜKSƏLDİ - 70 yaşlı Əli Əsədovun DOSYESİ  

TƏSDİQLƏNDİ: Bu şəxslərə ayda 200 manat veriləcək

Əli Əsədovun vurulmasının əsl səbəbləri - Kimlər gedir və nələr olacaq... 

Hava yenə dəyişir: Dolu düşəcək, qar yağacaq – BU TARİXDƏN