Partiya sədri: "Tramp dünyanı hədələdiyi "yeni silah"-ını Avropaya yönəldib"  

ABŞ Prezidenti Donald Tramp “NewsNation”a verdiyi müsahibədə bildirib.“ABŞ-ın dünyanın qalan hissəsinə məlum olmayan silah növləri var”. Bu ballistik raketləri ilə qürrələnən Rusiyaya bir mesajdır yoxsa, Qrenlandiya adası, Panama kanalı və Meksika körfəzində istəklərinə qarşıduranlara hədədir?

 Oxu24.com-un suallarını  Azad Vətən Partiyasının sədri, siyasətçi Akif Nağı cavablandırır.

- Akif müəllim, sizcə, ABŞ Prezidenti bu hədə mesajını kimlərə ünvanlayıb?

- Tramp həddindən çox emosional şəxsiyyətdir. Bəzən dediklərini düşünərəkdeyir, bəzən düşünməyərək deyr. Amma iddiaları çox böyükdür. Düşünmək olar ki, Tramp bəzən  ABŞ-ın  yox, özünün fərdi maraqlarını həyata keçirməyə maraqlıdır. Həm Amerika qitəsində hökmüran olmağa çalışır, eyni zamanda  dünyada da söz sahibi olmaq hədəfi var. Bu da təbii ki, narazılıqlara yol açır.  Venesuela ilə bağlı  addımından sonra özünü oranın prezidenti kimi  göstərməsi bir çox ölkələrin  narazılığını sərgilədi. Bütün çıxışlarında da istər Kuba olsun, istər Meksika, istər, Danimarka və digər ölkələr olsun,  onlar  haqqında  hədələyici tonla  danışır.

 Biz də daxil olmaqla bir çox ölkələr Trampla məsafə saxlamaqla onun hakimiyyəti ilə əməkdaşlıq edir. 

- Amma Tramp da hədələrini dayandırmaq haqqında düşünmür...

- Bəli, ötən gün Tramp Fransa Prezidenti Emmanuel Makronun onun təşəbbüsü olan və BMT-yə alternativ kimi təqdim edilən Qəzza üzrə “Sülh Şurası”na qoşulmaqdan imtina etməsinə sərt reaksiya verdi və Fransanı şərablarına və şampanlarına 200 faiz həcmində gömrük rüsumu tətbiq edəcəyi ilə hədələdi. Eyni zamanda o, Almaniyanı dərman qiymətlərini artırmağı nəzərdə tutan ABŞ planını qəbul etməyəcəkləri halda, onların məhsullarına qarşı rüsumlar tətbiq etməklə hədələdi. Reseptlə alınan dərmanlar üçün bütün ölkələr arasında ən aşağı qiyməti ödəməli olduğunu deyən  Trampın Fransa, Almaniya, Böyük Britaniya və  bütün Avropa İttifaqı razı olmadı. 

Həmçinin oxuyun

DTX-dən unikal əməliyyat: SEPAH Bakıda bu əraziləri partlatmaq istəyib - VİDEO 

Azərbaycanda yüksək vəzifəli şəxs qəfil VƏFAT ETDİ

İrandan  Naxçıvana hücumun PƏRDƏARXASI: Əslində...

DİQQƏT! Onlara bu məbləğdə vəsait ayrıldı —DETALLAR  

 Bu onu göstərir ki, əslində Tramp hansısa yeni bir silahdan söhbət etmir. Hamıya məlumdur ki, ən güclü olan kütləvi qırğın silahları tək ABŞ-da yox, bir çox ölkələrdə var. Deməli , Tramp  sanksiya və rüsumları “yeni silah”  adlandırır.

- Onda hədə dünyada yaşayan hər kəsə şamil edilə bilər....

-Amma mümkündür ki, Tramp xüsusən, ona qarşı güc mərkəzinə çevrilmiş Avropanı da hədəf alsın.

 Xatırladaq ki, ABŞ-ın keçmiş vitse-prezidenti Dik Çeyninin şəxsi kardioloqu, həkim Conatan Rayner Donald Trampın sağlamlıq vəziyyəti ilə bağlı Konqresdə araşdırma aparılmasına çağırıb:

“ABŞ prezidenti ciddi psixi xəstəlikdən əziyyət çəkir və bu, hamımızın həyatını təhlükə altına atır. Konstitusiyanın 25-ci düzəlişi səbəbsiz yerə mövcud deyil – onu dərhal tətbiq etməliyik”.

 Əntiqə Rəşid