Trampın barmaq uzatdığı adanın taleyi necə olacaq? — Siyasi şərhçidən AÇIQLAMA

DÜNYA

797

17.01.2026, 20:28

Hazırda dünyada bir neçə qaynar nöqtələr mövcuddur.

Bir müddət öncə bütün diqqətlər Venesuelaya və Maduronun həbsinə yönəlmişdi.

Artıq Maduro həbs olunub.Buna baxmayaraq ABŞ-də və qitədə gərginlik davam edir.

İndi də Qrlendandiya adası gündəmdədir.Tramp indi də Qrenlandiya adasına nəzarətə hazırlaşır.

Oxu24.com-un əməkdaşı mövzunu siyasi şərhçi Rusif Məmmədsoyla müzakirə edib.

Qrenlandiyanın işğalı planı artıq gündəmdədirmi? Bu ssenarinin reallaşması nə qədər realdır və Tramp Avropanı iqtisadi sanksiyalarla seçim qarşısında qoymaqla nəyi hədəfləyir?

Rusif Məmmədsoyun sözlərinə görə,Qrenlandiya ilə bağlı məsələ artıq ciddi şəkildə gündəmdədir. Danimarka başda olmaqla Skandinaviya ölkələri və bir sıra Avropa dövlətləri buna qarşı çıxmağa çalışsalar da, proseslər göstərdi ki, NATO ABŞ və Türkiyə olmadan real güc mərkəzi deyil. Bu reallıq Rusiya–Ukrayna müharibəsində də açıq şəkildə üzə çıxdı.

"Prezident İlham Əliyevin də vurğuladığı kimi, bu gün dünyada beynəlxalq hüquq deyil, güc amili həlledici rol oynayır. ABŞ hələ də qlobal “jandarm” funksiyasını qoruyub saxlayan əsas gücdür. Qrenlandiya və digər ərazilərlə bağlı müzakirələr heç də blef deyil.

Donald Trampın siyasi və psixoloji portretinə baxdıqda görürük ki, o, geopolitik proseslərə daha çox biznes və iqtisadi prizmadan yanaşır. Venesuela, Panama və Qrenlandiya məsələləri eyni strateji xəttin tərkib hissəsidir. Burada əsas məqsəd ABŞ-ın iqtisadi gücünü artırmaqla yanaşı, Çinin təsir dairəsini daraltmaqdır.

Qrenlandiya məsələsində də əsas hədəf Danimarka və ya Avropa deyil. ABŞ-ın əsas prioriteti Çinin iqtisadi və strateji imkanlarını məhdudlaşdırmaqdır",deyə Rusif Məmmədsoy qeyd edib.

Turan Etibaroğlu

Həmçinin oxuyun