Müqaviləni oxumadan imzalayanların NƏZƏRİNƏ: Ləğv etmək mümkündürmü? – Vəkidən VACİB AÇIQLAMA  

Mülki-hüquqi münasibətlərdə ən çox qarşılaşılan problemlərdən biri vətəndaşların sənədlərin məzmunu ilə tanış olmadan onlara imza atmasıdır. Gündəlik həyatda, istər kredit, istər alqı-satqı, istərsə də xidmət müqavilələri bağlanarkən bir çox şəxs şərtləri diqqətlə oxumadan qol çəkir, sonradan isə arzuolunmaz öhdəliklərlə üzləşdikdə sənədin ləğvini tələb edir. Bəs hüquqi baxımdan "oxumamışam" bəhanəsi sənədi ləğv etmək üçün əsas sayıla bilərmi? 

Gündəlik həyatda bir çox şəraitdə insanlar tələskənlikdən və ya lazımi diqqəti ayırmadıqlarından imzaladıqları müqavilənin hansı öhdəliklər yaratdığını sonradan fərqinə varırlar. Lakin hüquqi baxımdan hər bir imza şəxsin həmin sənəddəki şərtlərlə tam razılaşması mənasına gəlir. Sənədə qol çəkmək hüquqi öhdəliyin qəbul edilməsi deməkdir və "mən bunu oxumamışdım" demək şəxsi məsuliyyətdən azad etmir. Bu səbəbdən sənəd imzalayarkən maksimum diqqətli olmaq və hər bir maddəni təhlil etmək vacibdir.

Mövzu ilə bağlı sualları cavablandıran vəkil Şirəli Pireliyevdir. O, açıqlamasında müqavilələrin imzalanması, hüquqi nəticələri və hansı xüsusi hallarda sənədlərin məhkəmə qaydasında etibarsız sayıla biləcəyi barədə ətraflı məlumat verib:

“Müqaviləni və ya hər hansı başqa sənədi imzalayan şəxs bir nəfər kimi onunla tam razılaşdığını və şərtləri qəbul etdiyini ifadə edir. Sənədin yalnız "oxunmadan imzalanması" faktı onun av аvtоmatik olaraq ləğv edilməsi üçün hüquqi əsas hesab edilmir”.

Onun sözlərinə görə, əgər şəxs həmin müqaviləni hədə-qorxu gəlmə, məcbur etmə, aldanma və ya başqa qanunsuz təsir nəticəsində imzaladığını sübuta yetirə bilərsə, məhkəmə tərəfindən müqavilənin ləğvi və etibarsız sayılması mümkündür.

Yekun olaraq qeyd edək ki, hər hansı bir sənədə imza atmazdan öncə onun məzmunu ilə tam tanış olmaq gələcəkddə yarana biləcək hüquqi problemlərin qarşısını almaq üçün ən vacib addımdır. Qanun qarşısında "oxumamışdım" bəhanəsi keçərli sayılmadığı üçün vətəndaşlar hüquqi öhdəlik götürərkən daha məsuliyyətli olmalı və ehtiyac yarandıqda peşəkar hüquqşünas konsultasiyasından yararlanmalıdırlar.

Çimnaz Telmanqızı

Həmçinin oxuyun

Bakı sakinlərinin DİQQƏTİNƏ!19 oktyabrdan etibarən...

Türkiyə Azərbaycana dərs keçir - Bəs Ceyhan limanından İsrailə gedən neft? 

Bu, qardaş Türkiyənin birinci oyunu idi — Tarixi şəhərimiz xəritəmizdən SİLİNDİ

Tələbələrin təqaüdləri artırılacaq? - AÇIQLAMA