Bu ixtisaslarda keçid balları QALXACAQ – Ekspertdən vacib AÇIQLAMA  

Ali məktəblərə qəbul imtahanlarının yekunlaşması ilə yanaşı, abituriyentlər və onların valideynləri üçün ən həyəcanlı mərhələ – ixtisas seçimi dövrü başlayır. Hər il olduğu kimi, bu il də formalaşacaq keçid balları və müsabiqə şərtləri cəmiyyətin diqqət mərkəzində olan başlıca mövzulardan biridir. Xüsusilə abituriyentlərin imtahan nəticələri və topladıqları ballar fonunda bəzi ixtisas qruplarında ciddi rəqabətin yaranacağı artıq indidən proqnozlaşdırılır. Mütəxəssislər müxtəlif istiqamətlər üzrə balların dəyişmə dinamikasını yaxından təhlil edərək gözlənilən tendensiyaları açıqlayırlar. Əmək bazarının tələbləri, vakant yerlərin sayı və abituriyentlərin üstünlük verdiyi sahələr bu ilki keçid ballarının formalaşmasında həlledici rol oynayacaq. Mövcud mənzərə göstərir ki, bəzi populyar və gələcəkyönümlü ixtisaslarda mübarizə ötən illərlə müqayisədə daha gərgin xarakter alacaq. Müsabiqə vəziyyətinin dəyişməsi və plan yerlərinə olan yüksək tələbat nəticələrin böyük maraqla gözlənilməsinə səbəb olur. Bəs bu il daha çox hansı ixtisas qruplarında balların qalxacağı gözlənilir və bu prosesin arxasında duran əsas amillər nələrdir?

Mövzu ilə bağlı Oxu24.com-a təhsil eksperti Şəmsi Qoca açıqlama verib.

Ekspert bildirib ki, bu il xüsusilə birinci, ikinci və üçüncü ixtisas qruplarında, daha çox isə prestijli və yüksək rəqabət tələb edən ixtisasların keçid ballarında artım gözlənilir:

"Proqnozlara görə, əsasən 200-400 bal intervalında olan ixtisaslarda 5-10 bal civarında yüksəlmə ehtimalı var. Hüquqşünaslıq, psixologiya, beynəlxalq münasibətlər, eləcə də informasiya texnologiyaları və rəqəmsal bacarıqlarla bağlı sahələrdə bal həddinin daha da qalxacağı gözlənilir”.

Şəmsi Qoca bu artımın baş verməsinə təsir edən əsas səbəblərə də diqqət çəkib:

"Bu artımın ən başlıca səbəbi abituriyentlərin qəbul imtahanlarının ikinci cəhdində birinciyə nisbətən daha yaxşı nəticə göstərmək tendensiyasıdır ki, bu da ümumi müsabiqə vəziyyətinə birbaşa təsir edir”.

Həmçinin ekspert əlavə edib ki, eyni zamanda, əmək bazarında sözügedən ixtisaslara, xüsusən psixologiya və kompüter elmlərinə olan tələbatın ilbəil artması bu sahələr üzrə müraciət edənlərin sayını kəskin çoxaldır:

“Dövlət sifarişli (pulsuz) plan yerləri uğrunda rəqabətin güclənməsi və abituriyentlərin əksəriyyətinin mərkəzi universitetləri seçməyə meyl etməsi də formalaşacaq keçid ballarını qaldıran əsas amillərdəndir”.

Çimnaz Telmanqızı

Həmçinin oxuyun

TƏCİLİ! Avtomobil aşaraq yanıb, ölən və xəsarət alan var

Coşqun və Ucalın ölümünün şok detalları:200-300 metr aralı olublar -VİDEO

Bu şəxslərə əmək pensiyası xüsusi qaydada təyin olunur – AÇIQLAMA 

Qadınların 55 yaşında pensiyaya çıxması ilə bağlı AÇIQLAMA