İran Hörmüz boğazında rüsum tələb edir – Azərbaycan üçün təsirlər varmı?

CƏMİYYƏT

586

03.04.2026, 16:34

İran Hörmüz boğazında rüsum tələb edir – Dünya İrana qarşı birləşdi!

Hörmüz boğazında vəziyyətə həsr olunmuş təhlükəsizlik konfransının iştirakçıları İranın bu boğazdan keçid üçün rüsum tətbiq etmək ideyasını rədd ediblər.

Məsələ ilə bağlı Beynəlxalq münasibətlər üzrə şərhçi Əziz Əlibəyli Oxu24.com-a açıqlamasında bildirib ki, İran məcburdur ki, təzyiq kimi alternativ imkanlar tapsın.

“Həmin alternativ imkanlardan biri də boğazın bağlanması olmalıdır. Və bu, dünyada neft dalğalanmalarına, krizisə, böhrana gətirib çıxarır və bir növ batan gəmi effekti də formalaşdırır. Bu mənada İranın belə bir rüsum irəli sürmə ideyası başa düşüləndir. Təhlükəsizlik amili iştirakçılarının da məsələni rədd etməsinin arxasında, təbii ki, onların zərərçəkən iqtisadiyyatları, birgə ümumi mövqeləri və İrana qarşı vahid cəbhənin işartılarını artıq görə bilərik.

Buna həm də mövzu ticarət qaydalarının pozulmasına etiraz kimi də baxa bilərik.

Bu, Azərbaycan üçün şübhəsiz ki, böyük dividendlər yaradır. Çünki, alternativdir və Zəngəzur dəhlizinin də üzərinə gəlsək, 10 il, 20 il, 30 ildir dünyanın ən stabil kommunikasiya kəmərlərindən hesab olunur. Bu mənada Azərbaycanın böyük avantajı var. Əlbəttə, risklər geosiyasi qayğılar yarada bilər, neft qiymətində dalğalanmalar yarada bilər və bunun nəticəsində müəyyən təhdidlərin formalaşmasını da görmək olar”,-deyə şərhçi qeyd edib.

Çimnaz Telmanqızı

Həmçinin oxuyun