Dövlət universitetləri tam ödənişsiz ola bilər?

CƏMİYYƏT

533

03.03.2026, 22:50

Gürcüstanda dövlət universitetlərinə qəbul olan tələbələr magistratura səviyyəsində təhsil haqqından azad ediləcək.Təhsil, elm və gənclər nazirinin müavini Zviad Qabisonia bildirib ki, ölkədə ali təhsil tamamilə pulsuz olacaq. Mövcud qrant sistemi ləğv edilərək dövlət universitetlərində bakalavr və magistr səviyyələrində təhsil tam dövlət maliyyələşməsi ilə təmin ediləcək. Bəs Azərbaycanda da dövlət universitetlərində tələbələr təhsil haqqından tamamilə azad oluna bilərlər?

Oxu24.com xəbər verir ki Milli Məclisin elm və təhsil komitəsinin üzvü, deputat Ceyhun Məmmədov Metbuat.az-a açıqlamasında bildirib ki, Azərbaycanda da bu məsələ ilə bağlı müxtəlif dövrlərdə müzakirələr aparılıb. Hazırda müşahidə etdiyimiz əsas tendensiya ondan ibarətdir ki, ölkədə proses bu istiqamətdə inkişaf edir:

“Belə ki, Azərbaycan dövləti yavaş-yavaş dövlət hesabına təhsil alanların sayını artırır. Hər il bu nisbətin dəyişdiyini görürük. Dövlət tərəfindən müəyyən addımlar atılır və dövlət hesabına təhsil alanların sayında artım müşahidə olunur”.

C.Məmmədovun sözlərinə görə, bu, zaman tələb edən bir məsələdir və gələcəkdə müəyyən mərhələdə yenidən nəzərdən keçirilə bilər:

Həmçinin oxuyun

İTV necə idarə olunur? — Kanalın baş direktoru bu nazirin xalası oğludur

26 martda bizi nə gözləyir? — Ulduz falı

Səlim Müslümovun şəhərin mərkəzindəki obyekti - Bu qiymətə satıldı

İsrail İranın yeganə sualtı tədqiqat mərkəzinə zərbə endirib

“Gürcüstanda artıq tətbiq olunan modelə Azərbaycan da prosesin və ümumi vəziyyətin gedişindən asılı olaraq gələcəkdə baxa bilər. Lakin hazırkı mərhələdə əsas istiqamət dövlət hesabına təhsil alanlara daha çox yer ayrılmasıdır və proses hazırda bu formada davam edir”.