“Benzin istehsalında azalma yalnız bu halda risk siqnalı ola bilər” – İqtisadçı 7,3% azalmadan danışıb  

Dövlət Statistika Komitəsi  verir ki, 2026-cı ilin yanvar ayında Azərbaycanda 114,9 min ton avtomobil benzini istehsal edilib. Məlumatda deyilir ki,   fevralın 1-nə sənaye müəssisələrinin anbarlarında hazır məhsul ehtiyatı 65,7 min ton olub. Bir sözlə,  ötən ilin müvafiq dövrü ilə müqayisədə benzin istehsalı 7,3% azalıb. 

Mövzu ilə bağlı Oxu24.com xəbər portalının suallarını  Liberal İqtisadçılar Mərkəzinin rəhbəri, iqtisadçı ekspert Akif Nəsirli  cavablandırıb.

 İqtisadçı bildirib ki, Azərbaycan Respublikasının Dövlət Statistika Komitəsi-nin açıqladığı məlumata görə, benzin istehsalının 7,3% azalması ilk baxışdan mənfi tendensiya kimi görünə bilər. Amma  bu azalmanın  iqtisadiyyata hər hansı mənfi və ya müsbət  təsiri olduğunu bilmək üçün proses mütəxəssislər tərəfindən dəyərləndirilməlidir.

Həmçinin oxuyun

Modern həyat, yoxsa iqtisadi çətinlik? - Doğum sayındakı azalmanın gizli tərəfləri    —  TƏHLİL

Azərbaycanda hiss edilən zəlzələ olub

Yüksək vəzifə verilən  Nigar Əkbərova KİMDİR?

“Benzin istehsalında azalma yalnız bu halda risk siqnalı ola bilər” – İqtisadçı 7,3% azalmadan danışıb  

 İqtisadçı mühüm bir  detalı  diqqətə çəkərək bildirib ki, əgər azalma daxili tələbatın zəifləməsi ilə bağlıdırsa, bu, iqtisadi aktivliyin, xüsusilə nəqliyyat, logistika və istehlak sahələrində inkişafın yavaşlamasına işarə edə bilər.

"Bu halda yanacaq satışı, aksiz və digər vergi daxilolmaları azala bilər ki, bu da büdcə gəlirlərinə müəyyən təsir göstərər.

 Digər tərəfdən, istehsalın azalması planlı təmir işləri, modernizasiya prosesi və ya xam neft emalı strukturunda dəyişikliklərlə bağlı ola bilər. Bu halda azalma müvəqqəti xarakter daşıyır və uzunmüddətli perspektivdə daha səmərəli istehsala keçid demək ola bilər. Anbarlarda 65,7 min ton hazır məhsul ehtiyatının qalması isə göstərir ki, bazarda kəskin qıtlıq riski yoxdur. Əgər daxili tələbat sabitdirsə və ehtiyatlar kifayət edirsə, istehsalın azalması qiymətlərə və bazar sabitliyinə ciddi təsir göstərməyə bilər. Yəni, bu azalmanın iqtisadiyyata zərərli olub-olmaması səbəbdən asılıdır. Əgər səbəb tələbin daralmasıdırsa, bu, müəyyən risk siqnalı sayılır. Yox, əgər bu azalma texniki və ya struktur xarakterlidirsə, o zaman ciddi mənfi nəticə doğurmaya da bilər”- deyə Akif Nəsirli  vurğulayıb.

 Əntiqə Rəşid