Yüksək vəzifəyə təyinatı gözlənilən Camalov bu məmurun oğlu imiş    —   FOTOLAR

Xəbər verdiyimiz kimi,hakim işləmək üçün zəruri olan keyfiyyətlərə yiyələnməsi Komitə tərəfindən qiymətləndirilərək 34 hakimliyə namizəd müsahibədə müvəffəqiyyət qazanmış, onların hakim vəzifəsinə uyğunluğu, o cümlədən ixtisaslaşdırma haqqında rəylər Məhkəmə-Hüquq Şurasına təqdim olunub.

Məhkəmə-Hüquq Şurasının sədri İnam Kərimovun sədrliyi ilə baş tutan iclasda müsabiqəni uğurla başa vurmuş 34 hakimliyə namizədlə fərdi söhbətlər aparılıb, onlara tövsiyələr verilib və yekunda birinci instansiya məhkəmələrinin hakimi vəzifələrinə təyin olunmaları üçün təkliflərin hazırlanması qərara alınıb.Yeni qaydalara əsasən hakimliyə namizədlər hakim təyin olunduqdan dərhal sonra peşə hazırlığı məqsədilə Ədliyyə Nazirliyinin Ədliyyə Akademiyasında təşkil olunacaq təlimə cəlb ediləcəklər.

Oxu24.com siyahıda adı olan 34 nəfərin kimliyi barədə məlumat əldə edib.

Qeyd edək ki,hakimlərin təyinatı Azərbaycan Respublikası Prezidentinin səlahiyyətləri çərçivəsində baş tutur.Namizədlər tələb olunan mərhələləri keçdikdən sonra təqdimat üçün siyahı Prezidentə təqdim olunur.

Hakimlik üçün  uğur qazanmış 34 nəfərin arasında  Camalov Əli Elmar oğlu da var.

Oxu24.com-un əldə etdiyi məlumata görə,Əli Camalov  Baş prokurorun müavini  Elmar Camalovun oğludur. 

Həmçinin oxuyun

Tramp Azərbaycanla bağlı bu məlumatı AÇIQLADI

Milli Məclis yeni qərar qəbul etdi: Bunu edənləri 2500 manat cərimə GÖZLƏYİR

LGBT-ni təbliğ edilənlər həbs olunacaq — Azərbaycanda hansı tədbirlər görülə bilər? — Sosioloqla MÜZAKİRƏ  

Ədliyyə naziri ƏMR İMZALADI: Rəislər  vəzifələrini itirdilər

Elmar Camalov Azərbaycan Respublikası Prezidentinin 21 may 2020-ci il tarixli Sərəncamı ilə Azərbaycan Respublikası Baş prokurorunun müavini vəzifəsinə təyin edilib. II dərəcəli dövlət ədliyyə müşaviri ali xüsusi rütbəsindədir. Ailəlidir, dörd övladı var.

Onun hakim olmaq istəyən oğlu Əli Camalov  gənc vəkildir.Alman, İngilis, Rus dillərini bilir.

2013-2017 - Azərbaycan Respublikasının Prezidenti yanında Dövlət İdarəçilik Akademiyası (bakalavr),2017-2018 - Münhen Lüdviq Maksimillian Univeristeti, Almaniya (magistr, L.L.M.) bitirib.

Əli Camalov cinayət hüququ;kommersiya hüququ;müqavilələr hüququ;vergi hüququ;əqli mülkiyyət hüququ sahəsində ixtisaslaşmış vəkil kimi fəaliyyət göstərir.

Miri Məcidli