Deputatdan vəfat edən atası ilə bağlı ürəkdağlayan PAYLAŞIM: Canından çox sevdiyin qızın...

Milli Məclisin deputatı Günay Ağamalı vəfat edən atası Fəzail Ağamalı ilə bağlı paylaşım edib.

Oxu24.com sözügedən paylaşımı təqdim edir:

Atam, ömrünü dövlətimizə, millətimizə və ideallarına həsr etmiş Fəzail Ağamalının vəfatı ailəmiz üçün çox ağır itkidir. Acı xəbəri eşidən andan yanımızda olan, başsağlığı verən, dərdimizə şərik olan hər kəsə dərin təşəkkürümü bildirirəm.

İnsanın həyatda qazandığı ən böyük sərvət onun ətrafında olan səmimi münasibətlər, dostluq və hörmətdir. Qapımızı döyən, zəng edən, mesaj yazan, dualarında adımızı çəkən hər kəsin diqqəti bizim üçün təsəlli oldu. Dövlət və ictimaiyyət nümayəndələrinin, həmkarlarımın, silahdaşlarımızın, dostlarımızın, tanıyan və tanımayan insanların göstərdiyi ehtiram Fəzail müəllimin ömür yolu və prinsiplərinə verilən qiymətin göstəricisidir.

Vida mərasimində iştirak edən, yas mərasimlərində ailəmizin yanında olan, kədərimizi bölüşən hər kəsə minnətdaram. Bu çətin günlərdə deyilən hər bir xoş söz, edilən hər bir dua, göstərilən hər bir diqqət bizim üçün dəyərlidir və yaddaşımızda daim qalacaq.

Atamın xatirəsi bizim üçün ailə dəyəri olmaqla yanaşı, həm də bir həyat məktəbidir. Fəzail Ağamalı bizim üçün əqidə, mövqe qoyub getdi. Onunla bağlı söylənilən xoş sözlər, yazılan xatirələr bizim üçün ən böyük təsəllidir.

Yanımızda olan hər kəsə bir daha təşəkkür edir, dualarınızı əsirgəmədiyiniz üçün minnətdarlığımı ifadə edirəm. Fəzail Ağamalının xatirəsi onu sevənlərin qəlbində hər zaman yaşayacaq.

Əziz Atam məkanın cənət, ruhun şad olsun!

Həmçinin oxuyun

Əliyev hər şeyi Pezeşkianın bircə zənginə qurban etdi... 

Məcburi evlilik cəhdi cinayət sayılır – Hüquqşünasdan AÇIQLAMA  

Qədr gecəsi oxunması tövsiyə  olunan dualar   -TƏRCÜMƏSİ İLƏ

Bayram süfrəsi neçəyə başa gəlir?   —  ARAŞDIRMA

Sənə sonsuz sevgi və ehtiramla

Canından çox sevdiyin qızın Günay.

Qeyd edək ki, 79 yaşlı F.Ağamalı 35 il Ana Vətən Partiyasına sədrlik edib. Bir neçə ay öncə isə həmin partiyanın sədri olmaq uğrunda övladları arasında münaqişə baş vermişdi. Yanvarın 24-ü onun qızı, Milli Məclisin deputatı Günay Ağamalı Ana Vətən Partiyasının sədri seçilib.

Hazırladı: Nigarxanım