Qaynar xətt:

(+99450) 247 90 86

Canavarlar Azərbaycanın bu kəndinə hücum edir: Sakinlər kömək istəyirlər -FOTOLAR

news/2026_02_11/canavar9_1770798015.jpg

CƏMİYYƏT

335

11.02.2026, 12:19

Azərbaycanın bu  kəndinə  canavar sürüsü hücum edib.

Lənkəranda kəndə girən canavarlar mal-qaraya hücum edib,tələfat var.

Bu barədə  Oxu24.com saytına hadisə ilə bağlı Lənkəran rayon Zövlə kənd sakini Əlibaba Əliyev məlumat verib.

O, bildirib ki, artıq 10 gündən çoxdur ki, kəndin ətrafında canavarlar dəstə ilə gəzir.

"Bu da  mal-qaraya ziyanlıq verə bilər, hətta bu canavar sürüsü  mal-qaranı   sulamağa və yaxud otlaq sahəsinə  aparan kənd camaatına da  hücum edə bilər. Artıq kəndin adamları  ehtiyatla davranır və  hər dəqiqə  bədbəxt bir hadisə olacağından qorxur. Xüsusən kəndin uşaqları, qadınları,yaşlıları  təşviş içərisindədir. Canavarlar  hava qaralandan sonra  kəndə hücum edirlər, heyvanları parçalayırlar. Bir neçə gün əvvəl qoyunları, ondan sonra isə  at balasını, sonra at və digər heyvanları  parçalayıblar. Artıq axşamlar evdən  çölə çıxmaq  həyati təhlükə daşıyır”,-deyə kənd sakini bildirib.

Ə.Əliyevin sözlərinə görə,məsələ ilə bağlı  Lənkəran Rayon İcra Hakimiyyətinə  məlumat versələr də,cavab ala bilməyiblər.

Kənd sakinin sözlərinə görə,məsələ ilə bağlı hüquq-mühafizə orqanlarına da məlumat verilib.

Zövlə sakini onu da bildirib ki, kəndlə qonşu olan Masallının Mahmudavar və Mollon kəndləri də hazırda eyni problem yaşayır. Canavar sürüsü onların da kəndinə  hücum edir.

3500 nəfərdən çox əhalisi olan Zövlə kəndinin camaatının canavar sürülərinin qarşısında çarəsiz duruma düşməsinin səbəbi isə  İnzibati Xətalar Məcəlləsinin 272.3-cü maddəsidir. Həmin maddəyə əsasən 1 canavarı vuraraq öldürən şəxs  ən azı 1000 manat,  bəzən isə 1500 manat cərimə olunur.  

 

Əntiqə Rəşid