Təmizlik sevgisi, yoxsa OKP? Psixoloq AÇIQLADI  

Gündəlik həyatımızda həddindən artıq təmizkar olan, əşyaların simmetriyasına xüsusi diqqət yetirən insanları tez-tez görürük. Bəs, bu vərdişlər sadəcə bir xüsusiyyətdir, yoxsa ciddi psixoloji pozuntu olan OKP-nin (Obsessiv-Kompulsiv Pozuntu) göstəricisidir? Bir çoxlarının səhv anladığı bu incə cizgi ilə bağlı psixoloq və psixoterapevt Türkan Piriyeva Oxu24.com-a açıqlama verib. 

“Əhatəmizdəki insanlar arasında həddindən artıq təmizkarlığı sevən, kitabları hündürlüyünə görə düzənləyən və ya dolabdakı geyimləri rənglərinə görə ayıranlar olur. Amma bu, onların obsessiv-kompulsiv pozuntusu (OKP) olduğu demək deyil. Bu diaqnoz yalnız təkrar olunan, istənilməyən düşüncələr və davranışlar  çox vaxt (gündə bir saatdan çox) alırsa, narahatlıq və təşviş yaradırsa və gündəlik tapşırıqların, işin, təhsilin, şəxsi münasibətlərin və ya həyatın digər vacib sahələrinə mane olursa qoyulur",-deyə o bildirib.

Ən çox rast gələn simptomlar:

Çirklənmə və təmizlik: Həddindən artıq təmizləmə və gigiyena davranışları.

Şübhə və yoxlama: Davamlı olaraq əşyaların və işlərin düzgün olub-olmadığını yoxlama.

Nizam və simmetriya ehtiyacı: Əşyaların müəyyən qaydada və simmetrik düzülməsi.

Xoşagəlməz və qadağan olunmuş fikirlər: Cinsi, dini və ya zorakılıqla bağlı istənilməyən düşüncələr.

OKP-nin yaranmasına bir çox faktor təsir edə bilər: beyin kimyası və neyrobiologiya, genetik faktorlar, psixoloji amillər və ya faktorların birləşməsi.

Obsessiv-kompulsiv pozuntu bəzən kronik hala keçsə də, bir çox insan bu xəstəlikdən tam olaraq qurtula bilir. Müalicəsi psixoterapiya, dərman müalicəsi və ya hər ikisinin birləşməsindən ibarət ola bilər.

Həmçinin oxuyun

TƏBİB -də yüksək vəzifəyə TƏYİNAT

Kirayədə yaşayanlara 300 manat CƏRİMƏ

Prezident İlham Əliyev fərman İMZALADI

Partlayışda yaralanan həkim görün kim İMİŞ    —  ÖZƏL +FOTO

Hörmətlə, psixoloq,  psixoterapevt və ailə psixoterapevti Türkan Piriyeva

Çimnaz Telmanqızı