Benzin rüsumları avtobus qiymətlərini yenidən artıracaq? - VACİB AÇIQLAMA

Bir sıra mallar, o cümlədən avtomobil benzini üzrə rüsumların ayrıca müəyyən edilməsi yanacaq bazarında qiymət artımı ehtimalını gündəmə gətirib. Maraqlıdır, bu artım ictimai nəqliyyat tariflərinin bahalaşmasına səbəb ola bilərmi?

Oxu24.com  bildirir ki, mövzu ilə bağlı konkret.az-a açıqlama verən nəqliyyat məsələləri üzrə ekspert Aslan Əsədov bildirib ki, yanacaq qiymətlərində baş verən dəyişikliklərin nəqliyyat sektoruna təsirsiz ötüşməsi mümkün deyil.

 Ekspertin sözlərinə görə, yanacaq və sürtkü materialları avtomobil sektorunda əsas xərclərdən biridir və bu sahədə tətbiq olunan rüsumlar, daxili istifadə qaydaları birbaşa nəqliyyat xərclərinə təsir edir:

“Yanacağın qiymətində artım nəqliyyat sahəsinə birbaşa təsir göstərir. Çünki yanacaq və sürtkü materialları avtomobil sektorunda əsas paya malikdir. Bu amil həm nəqliyyat vasitələrinin istismarı, həm də ehtiyat hissələrinin daxili və xarici bazarlarda qiymətinin formalaşmasında mühüm rol oynayır”.

Aslan Əsədov qeyd edib ki, sürtkü materialları və yanacaq xərcləri nəqliyyat vasitələrinin saxlanma və istismar xərcini artırır ki, bu da son nəticədə xidmət qiymətlərinə təsirsiz ötüşmür:

Həmçinin oxuyun

Laborantlıqdan Baş nazirə kimi YÜKSƏLDİ - 70 yaşlı Əli Əsədovun DOSYESİ  

TƏSDİQLƏNDİ: Bu şəxslərə ayda 200 manat veriləcək

Əli Əsədovun vurulmasının əsl səbəbləri - Kimlər gedir və nələr olacaq... 

Hava yenə dəyişir: Dolu düşəcək, qar yağacaq – BU TARİXDƏN 

“Bir neçə ay əvvəl, xüsusilə dekabr ayında qiymətlərdə oxşar tendensiya müşahidə olundu və bu, bahalaşmaya səbəb oldu. Bu faktı inkar etmək olmaz. Yanacaq amili bahalaşmanın əsas tezislərindən biridir”.

Ekspert əlavə edib ki, gələcək perspektivdə bu cür qərarların mahiyyəti daha dərindən təhlil edilməli, yanacağın nəqliyyat sektorundakı strateji əhəmiyyəti nəzərə alınmalıdır:

“Ümumiyyətlə, qərarların qəbulunda yanacağın nə qədər əhəmiyyətli olduğu heç kimdə şübhə doğurmur. Əsas sürtkü materiallarının avtomobillərə təsiri müxtəlif formalarda özünü göstərir və bu, qiymət siyasətində nəzərə alınmalıdır”.