Quru sərhədlərdən istifadəyə icazə verilə bilər - Yalnız bu ŞƏRTLƏ... 

Uzun müddətdir bağlı saxlanılan quru sərhədlər ölkə gündəminin aktual mövzularından biri olaraq qalmaqdadır. Həm vətəndaşların gediş-gəlişində yaranan çətinliklər, həm də iqtisadi əlaqələrə təsiri fonunda bu məsələnin mərhələli şəkildə həll olunması ilə bağlı müxtəlif təkliflər irəli sürülür. Maraqlıdır, quru sərhədlər yalnız həftənin müəyyən günləri açıla bilərmi?

 Oxu24.com xəbər verir ki, mövzu ilə bağlı KONKRET.az-a açıqlama verən siyasi şərhçi Cavanşir Abbaslı bildirib ki, quru sərhədlərin tam şəkildə açılması hazırkı şəraitdə mümkün deyilsə, mərhələli yanaşma daha məqsədəuyğun ola bilər.

Onun sözlərinə görə, həftənin müəyyən günləri quru sərhədlərin açılması həm vətəndaşların vəziyyətə uyğunlaşmasına kömək edər, həm də uzun müddətli bağlanmadan yaranan problemlərin qismən həllinə şərait yaradar:

“Çox doğru təklif kimi sayıla bilər ki, əgər quru sərhədlər tamamilə açılmırsa, müəyyən günlərdə şərait yaradılması daha doğru olar. İnsanlar da bu həyata tezliklə öyrəşər. Hesab edirəm ki, quru sərhədlərin tamamilə açılması indiki vəziyyətdə mümkünsüz görünür”.

Həmçinin oxuyun

Şagird nə üçün müəllimini güllələdi? –Hadisə ilə bağlı ŞOK DETALLAR 

Bu şadlıq evi müəllimini vuran şagirdin ailəsinindir - Atası biznesmen, babası isə.. 

Bu qadağa qüvvəyə mindi - 3 min manat cəriməsi var 

Liseydə müəllimini güllələyən şagirdlə bağlı QƏRAR VERİLDİ

Cavanşir Abbaslı qeyd edib ki, sərhədlərin uzun müddət bağlı qalması ölkə daxilində müxtəlif sosial və iqtisadi problemlərin artmasına səbəb olur:

“Quru sərhədlərin tamamilə bağlanmasından yaranan problemləri həftənin müəyyən günləri açılması məsələsi həll edə bilər. Əks halda sərhədlər nə qədər bağlı qalsa, ölkə daxilində də müəyyən problemlərin artmasına gətirib çıxaracaq. Bu vəziyyətin Azərbaycan iqtisadiyyatına da təsirsiz ötüşməsi mümkün deyil”.

Siyasi şərhçi son dövrlər mövzunun İranda baş verən hadisələrin fonunda kölgədə qaldığını da vurğulayıb. Onun fikrincə, qonşu ölkələrdəki proseslərdən asılı olmayaraq quru sərhədlərlə bağlı məsələ birmənalı şəkildə həllini tapmalıdır:

“İranda bir aydan çoxdur davam edən xalq etirazları fonunda bəzi fikirlər formalaşıb ki, Azərbaycan tərəfinin quru sərhədləri bağlı saxlaması doğru qərardır. Lakin hesab edirəm ki, qonşu ölkələrdə hər hansı hadisənin baş verməsindən asılı olmayaraq bu məsələ çözülməlidir. Quru sərhədlərin bağlı olmasının həm mənfi, həm də müsbət tərəfləri var”.

Cavanşir Abbaslının fikrincə, quru sərhədlərlə bağlı problem tezliklə aradan qaldırılmalı və daha çevik mexanizmlər tətbiq olunmalıdır.