Ekoloq göllərlə bağlı həyəcan təbili ÇALDI: Hansı ərazilər daha çox təhlükədədir?

Tanınmış ekoloq:“Abşeron yarımadasında çirklənməyə məruz qalmayan göl yoxdur”  

Hazırda sosial şəbəkələrdə müzakirəsi gedən mövzulardan biri Böyükşor gölünün çirklənməyə məruz qalmasıdır. Ümumiyyətlə , Abşeron yarımadasında çirklənməyə məruz qalmayan hansı göllər mövcuddur? Bəs bu çirklənmənin qarşısını almaq üçün hansı tədbirlər görülməlidir?

 Texniki Təhlükəsizlik və Ekoloji Məsələlər Üzrə Mütəxəssis, ekoloq Kənan Kərimov Oxu24.com saytının suallarını cavablandırıb.

O,bildirib ki, Böyükşor gölü ərazisində mərkəzləşdirilmiş kanalizasiya sisteminin mövcud olmaması səbəbindən tullantı sularının bir hissəsinin birbaşa həmin gölə axıdılması həqiqətə uyğun məlumat deyil.

Həmçinin oxuyun

"Anasının sümükləri belə tapılsa, qurban kəsəcəklər..." - Xocalı ilə bağlı TÜKÜRPƏDİCİ FAKT  

Əhaliyə 1000 manat PAYLANACAQ?   —   RƏSMİ AÇIQLAMA 

Rayonlarla bağlı XƏBƏRDARLIQ: Qar yağacaq 

Baş nazir yeni QƏRAR VERDİ

"Böyükşora hazırda heç bir axıntı yoxdur.Sənaye tullantıları, məişət çirkab suları gölə axıdılmır.

26 dekabr 2013-cü il tarixli "Böyükşor gölünün ekoloji vəziyyətinin yaxşılaşdırılması, mühafizəsi və istifadəsi sahəsində əlavə tədbirlər haqqında" Azərbaycan Respublikasının Prezidentinin Fərmanına əsasən gölün istifadəsi və mühafizəsi həyata keçirilir və buna Ekologiya və Təbii Sərvətlər Nazirliyi nəzarət edir.

Gölün sahilində 15 hektardan çox ərazi abadlaşdırıldı və neftlə çirklənmiş torpaqlar təmizləndi. Ümumilikdə göllərin bərpası Bakı şəhərinin 2040-cı ilədək inkişafına dair Baş planında xüsusi vurğulanıb və bu göllərin ətraflarının gələcəkdə yaşıllıq zonasına çevrilməsi planlaşdırıldığı bildirilib. Mən özüm də orda olmuşam, iy- qoxu yoxdur. Məlumdur ki, Abşeron yarımadasında 200-dən artıq göl var. Onların çoxu antropogen çirklənməyə məruz qalıb. Ən çox çirklənmə səbəbi məişət çirkab sularıdır. Misal olaraq, Xocəsən gölünü göstərmək olar. 

Amma çirklənməyə məruz qalmayan göl, tam olaraq göstərə bilmirəm. Fikrimcə, belə bir göl yoxdur. Abşeron yarımadasında çirklənmə mənbəyi olan göllər isə neft hasilatı zamanı, şlam və digər neft məhsulları ilə çriklənmiş göllərdir”-deyə ekoloq  bildirib.

 Xatırladaq ki, ekoloqlar  zaman -zaman vurğulayıb ki, Böyükşor Abşeron yarımadasının tarixən ən çox çirklənmiş göllərindən biri olub.

 Əntiqə Rəşid