Azərbaycanda kimlər saat hesablı maaş alacaq? — Gözlənilən dəyişikliyin DETALLARI

CƏMİYYƏT

2058

04.02.2026, 17:35

Saat hesablı əməkhaqqı sisteminə keçidlə bağlı təklif hökumətdə müzakirə olunur.

Saat hesablı əməkhaqqı sisteminə keçidlə bağlı məsələ hazırda hökumətə təqdim edilib və müvafiq qurumlarla müzakirələr mərhələsindədir. Bu barədə rəsmi mənbələrdən bildirilib.

Oxu24.com xəbər verir ki, saat hesablı əməkhaqqı sisteminə keçid mərhələli şəkildə həyata keçirilməsi nəzərdə tutulur.

Keçid baş verdiyi təqdirdə, minimum aylıq əməkhaqqı qüvvədə qalacaq.

Beynəlxalq təcrübədə bir sıra ölkələrdə həm saat hesablı, həm də aylıq minimum əməkhaqqı sistemi mövcuddur. Bəzi ölkələrdə isə yalnız saat hesablı minimum əməkhaqqı tətbiq edilir.

Həmçinin oxuyun

Ölənlər və yaralılar bunlardır: SİYAHI +FOTOLAR

Kərtənkələ ilanı görün nə hala saldı — Heyvanların döyüş VİDEOSU

FHN əhaliyə xəbərdarlıq etdi:Leysan,qar olacaq

Azərbaycanda pensiya yaşını keçən icra başçıları - SİYAHI

Saat hesablı əməkhaqqı sistemi ilkin mərhələdə əsasən natamam əmək müqaviləsi ilə çalışanlar və bir aydan az müddətə əmək müqaviləsi bağlayan şəxslər üçün nəzərdə tutulur.

Bu kateqoriyaya aid olan işçilərin saat hesablı əmək müqavilələri əsasında fəaliyyət göstərməsi təklif olunur.

Hazırda bu istiqamətdə əmək qanunvericiliyinə dəyişikliklərlə bağlı təkliflər hazırlanıb və hökumətlə müzakirələr davam etdirilir.

Sözügedən yanaşma hazırda müvafiq xidmətin təqdim etdiyi təklif xarakteri daşıyır.

Son qanun layihəsinin məzmunu və tətbiq mexanizmləri hökumətlə aparılan müzakirələr başa çatdıqdan sonra ictimaiyyətə açıqlanacaq.

Hazırladı: Turan Etibaroğlu