Süni qiymət artımlarının qarşısının alınması birmənalı şəkildə önəmlidir

Oxu24.com xəbər verir ki, son illərdə əhalinin nominal gəlirlərində müəyyən artım müşahidə olunsa da, bu artım real rifah səviyyəsində öz əksini tapmır. İnsanlar əvvəlki illərlə müqayisədə daha çox qazansalar da, gündəlik tələbatlarını qarşılamaq getdikcə çətinləşir. Bu baxımdan “pul var, amma yetmir” ifadəsi artıq sadəcə sosial narazılıq deyil, mövcud iqtisadi reallığın aydın göstəricisinə çevrilib.

Milli Məclisin deputatı, iqtisadçı-ekspert Vüqar Bayramov Oxu24.com-un  suallarına  cavab olaraq bildirib ki,inflyasiyanın strukturu göstərir ki, Azərbaycanda qiymət artımının əsas səbəbi idxal inflyasiyasıdır. Yəni, idxal olunan məhsulların qiymətlərindəki artım daxili bazarda qiymət artımına gətirib çıxarır.

"Bu da, xüsusən, istehlak etdiyimiz bir sıra məhsulların xaricdən idxal edilməsi ilə bağlıdır. Ona görə də bir tərəfdən idxal inflyasiyasının tənzimlənməsi və idxalın azaldıması prioritetinin qoruyub saxlayır. Digər tərəfdən isə tələb inflyasiyasının da optimallaşdırılmasına ehtiyac var. 

Əmək haqqı və pensiyalarda artım vacibdir və bu sosial siyasətin əsas istiqamətlərindəndir. Cənab Prezidentin tapşırığı ilə biz mütəmadi olaraq sosial paketlərin reallaşmasını və sosial dəstək tədbirlərinin genişlənməsini müşahidə edirik. Bu kontekstdən istehlak bazarında qiymətlərin optimallığının qorunması olduqca vacibdir. 

Həmçinin oxuyun

İqtisadçıdan əhalini narahat edən sualla bağlı ŞAD XƏBƏR

DSMF pensiyalarla bağlı AÇIQLAMA YAYDI

Təcili! "İdrak" liseyində şagirdi tərəfindən  güllələnən müəllimdən ŞOK QƏRAR

Şimşək çaxacağı, dolu düşəcəyi, dağlıq ərazilərdə qar yağacağı ehtimalı var     —   XƏBƏRDARLIQ

Antiinhisar və İstehlak Bazarına Nəzarət Dövlət Agentliyi tərəfindən pensiya və əmək haqlarının artımı zamanı istehlak bazarında monitorinqlərin gücləndirilməsinə ehtiyac var. Süni qiymət artımlarının qarşısının alınması birmənalı şəkildə önəmlidir. Çünki, heç bir halda pensiya və əmək haqqı artımlarının süni qiymət artımları ilə müşahidə olunması arzuolunmazdır. 

Real gəlirlər vətəndaşın gəlirinin real dəyərinin qorunmasını, yəni inflyasiyadan müdafiə olunmasını ifadə edir. Vətəndaşlarımızın gəlirləri nə qədər qiymət artımından, inflyasiyadan qorunursa, o qədər çox onların gəlirlərinin real olmasına gətirib çıxarır. Bu baxımdan Azərbaycanda da real gəlirlərin qorunması böyük prioritetdir. Çünki, vətəndaşın ailə büdcəsində nominal gəlirlərdən daha çox real gəlirlərin təsiri var. 

İnflyasiyanın optimallaşdırılması və tənzimlənməsi məhz bu baxımdandır ki, 2026-cı ildə əsas olacaq. Bu istiqamətdə addımların genişlənəcəyi gözlənilir”,-deyə  Vüqar Bayramov bildirib.

Çimnaz Telmanqızı