Hüquqşünas evlərinə çıxarış ala bilməyənlərə asan yolu GÖSTƏRDİ    —   DİQQƏT!

Şəhid ailələrinə,müharibə qazilərinə Dövlət tərəfindən diqqət və qayğının yüksək səviyyədə olması danılmaz faktdır.Şəhid ailələri və müharibə ilə əlaqədar əlilliyi olan şəxslərə möhtəşəm Zəfər əldə etdiyimiz 44 günlük Vətən müharibəsindən sonra 6,8 min, ümumən ötən dövrdə 16 minədək mənzil təqdim edilib.2025-ci il ərzində bu tədbirlər davam etdirilib.Ötən il ərzində də bu kateqoriyadan olan ailələrə 1000 mənzil verilib.Bu,dəstək tək mənzillə yekunlaşmır.Müharibə ilə əlaqədar əlilliyi olan şəxslərə postmüharibə dövründə 567, ümumən 7,8 min avtomobil verilib və növbədə dayanan bu kateqoriyaya aid şəxslərin avtomobillə təminatı başa çatdırılıb.

Bu gün həmin şəxslərə verilən mənzillərdə çıxarışların olmaması müəyyən suallara səbəb olub.

Belə olan halda mənzil istifadəçisi evini qanuniləşdirmək üçün  hansı qanuni yollara baş vurmalıdır?

Oxu24. com-un sualını  hüquqşünas Vüqar Dadaşov  cavablandırıb.  O bildirib ki, Azərbaycan Respublikasında müharibə iştirakçıları və şəhid ailələri üçün mənzil təminatı dövlətin prioritet vəzifələrindən biridir.

Həmçinin oxuyun

"Space" TV-də daha iki verilişin yayımı dayandırıldı 

Bu il keçid balları enəcək, yoxsa qalxacaq? – AÇIQLAMA  

Azərbaycanda ət BAHALAŞIR: İqtisadçıdan XƏBƏRDARLIQ  

Bakıda yaşayanlara vacib xəbər: Sabah saat 00:00-dan... 

"2014-cü il iyun ayında Prezidentin 569 nömrəli sərəncamı ilə müharibə əlilləri və şəhid ailələri üçün mənzil şəraitinin yaradılması nəzərdə tutulmuş və mənzillər verilməyə başlanmışdır. Lakin 2015-ci ildən istifadəyə verilmiş bir çox mənzillərdə hələ də sənədləşmə və mülkiyyət hüququnun dövlət qeydiyyatı ilə bağlı problemlər mövcuddur. Azərbaycan Respublikası Mülki Məcəlləsinin 139-cu maddəsinə əsasən, daşınmaz əmlak üzərində mülkiyyət hüququ yalnız dövlət reyestrində qeydiyyata alındıqdan sonra yaranır. Dövlət qeydiyyatının aparılmaması və ya gecikməsi mülkiyyət hüququnun tanınmamasının bir neçə səbəbi ola bilər. Fövqəladə Hallar Nazirliyi və digər müvafiq qurumlar tərəfindən "İstismara qəbul aktı" verilmədikdə, Dövlət Reyestr Xidməti çıxarışı rəsmiləşdirə bilmir.

Həmin torpaqların təyinatı ilə bağlı uyğunsuzluq varsa (məsələn, əgər torpaq kənd təsərrüfatı təyinatlıdırsa) əlbəttə ki, həmin ərazidə tikilmiş binada mənzillərə mülkiyyət hüququ tanınması problemlidir. Torpağın təyinatının dəyişdirilməsi isə mərhələli və uzun proses kimi Nazirlər Kabinetinin müvafiq qərarı ilə dəyişdirilə bilər.

Binaların inşa olunduğu torpağın hüquqi vəziyyəti də sənədləşməyə maneə törədə bilər. Sözsüz ki, belə problemin yaranmasına torpağın şəxsi mülkiyyət forması və mülkiyyətçi ilə bağlılığı da mümkündür. Əgər torpaq sahəsi dövlət mülkiyyətindədir, onda onun dövlət mülkiyyətindən çıxarılaraq müvafiq icra qurumlarının və ya nazirliyin balansına verilməyibsə, mənzillərin qeydiyyata alınması prosesi gecikir. Mövcud problemin həlli üçün ilk növbədə ƏƏSMN - nə və ona tabeli qurumlara "Kollektiv müraciət" olunması daha effektiv nəticə verə bilər. Əgər məsələ həll olunmazsa, mənzil sahibləri məhkəməyə həm kollektiv və həm də fərdi şəkildə müraciət etməklə mənzil üzərində mülkiyyət hüququnun tanınması və müvafiq çıxarışın (Kupça) verilməsi tələbi irəli sürə bilər”,- deyə Vüqar Dadaşov vurğulayıb.

 Əntiqə Rəşid