“İran – ABŞ müharibəsində region üçün 3 təhlükə...”- Hərbi ekspert detalları açıqlayır  

Qərb və ABŞ ekspert və politoloqlarının proqnozlarına diqqət etsək, görərik ki, İran - ABŞ müharibəsinin başlanmasına saatlar qalıb.Azərbaycan regionda baş verən bu ölümcül savaşdan sıfır zərərlə qurtulmaq üçün hansı tədbirləri görməlidir?

Oxu24.com-un mövzu ilə bağlı sualını hərbi ekspert, polkovnik Rövşən Məhərrəmov cavablandırıb.

O bildirib ki, İran ərazisinə, əhalisinə və hərbi gücünə görə böyük və güclü ölkədir: "ABŞ ordusunun  İrana  girməsi mümkün deyil. Odur ki, müharibə ancaq   müasir  dağıdıcı raketlərin  iştirakı  ilə  baş verəcək.

 Expertlər də bildirirlər ki,  İran - ABŞ müharibəsinin başlanması barədə çoxlu məsələlər diqqəti cəlb edir. Lakin, Çin, Rusiya  bu müharibənin əleyhinədir. Bu müharibə başlayarsa, bu həm də, ABŞ üçün ağır bir zərbə ola bilər. Çünki, İranın  da çoxlu balistik  raketləri var və İran bu raketlərlə cavab zərbələri endirə bilər. İran illərlə müharibəyə hazırlaşıb, İran  sakitcə yerində oturmayıb. ABŞ-ınəvvəlki prezidentləri  də Trampa müraciət etdi. Barak Obama və  Bill Klinton  bu  və digər  istiqamətlərdə ona öz siyasətində dəyişiklik etməyi tövsiyə etdilər. 

İran ordusunun sayı və gücü  böyükdür.  200 minə qədər ballistik  və qanadlı raketi var. Bu az bir miqdar deyil.  Hava hücumlarından da müdafiə  sistemləri var.Son zamanlar müşahidə olundu ki, Rusiyadan və Çindən  alınan onlarla hərbi təyyarələr İran ərazisindədir",-deyə ekspert bildirib. 

Qonşuluqda baş verən gərginliyin Azərbaycan üçün hansı təhlükəsi ola bilər?

Həmçinin oxuyun

Prezidentin gəlini onlarla kofe hazırladı - Fotolar 

İlham Əliyevin Əbu-Dabidə Birləşmiş Ərəb Əmirliklərinin Prezidenti ilə görüşü olub 

“Kupça”lı torpaqda “kupçasız” ev tikənlərə vəkildən XƏBƏRDARLIQ    

Elçin Quliyevdən yeni ƏMR: General-mayora vəzifə verildi

Ekspertin sözlərinə görə,İran Azərbaycanın qonşuluğunda yerləşir , xüsusən, İranın şimalında  azərbaycanlı  soydaşlarımız yaşayır. Həmin ərazilərdə  əhəmiyyət kəsb edən hərbi və strateji  obyektlər də var.

"ABŞ ora raket  zərbələri  endirsə,  bu da bizim soydaşlarımızın kütləvi ölümünə səbəb ola bilər. Digər bir tərəfdən Azərbaycana qaçqın axını  da ola bilər. Beynəlxalq Konvensiyaya görə qaçqınlar   pənah apardıqları  ərazidə yerləşdirilməli, tələbatları  həll edilməlidir. Bu da Azərbaycan iqtisadiyyatı üçün  zərbə ola bilər. Çünki qaçqınları yerləşdirmək, saxlamaq, tələbatlarını yerinə yetirmək üçün böyük maliyyələr lazım olacaq. Nəzərə alın ki, cənubda 40 milyon soydaşımız yaşayır.

 Sonuncu   təhlükə: Təbii ki,  bizim hava hücumdan müdafiə sistemlərimiz güclüdür.  Belə bir müharibə olduğu halda Azərbaycan Müdafiə Nazirliyinin hava  hücumdan müdafiə  qüvvələri daimi  gücləndirilmiş yüksək döyüş  hazırlığı vəziyyətinə gətirilə bilər. Əlbəttə ki,  ABŞ-ın və yaxud İranın atdığı  raketlərdən biri  əgər trajektoriyadan kənara çıxarsa, Azərbaycan ərazisinə düşərsə,  Azərbaycan hava   qüvvələri bu raketləri elə göydəcə zərərsizləşdirmək qabliyyətindədir.  Ən əmin olduğum odur ki, ərazimizin təhlükəsizliyi  tamdır”-deyə  hərbi ekspert vurğuayıb.

 Əntiqə Rəşid