Zivər Zeynalova müdir təyin edildi

CƏMİYYƏT

602

22.01.2026, 21:19

Mingəçevir Dövlət Universitetinin İqtisadiyyat kafedrasına yeni müdir seçimi həyata keçirilib. 2026-cı ilin 22 yanvar tarixində MDU-nun İqtisadiyyat və idarə etmə fakültəsinin Elmi Şurasının iclasında keçirilən səsvermənin nəticələrinə əsasən Zeynalova Zivər Zeynal qızı İqtisadiyyat kafedrasının müdiri vəzifəsinə seçilib.

Oxu24.com Yenisabah.az-a istinadən xəbər verir ki, bununla bağlı Universitetin rektoru Anar Eminov əmr imzalayıb.

Qeyd edək ki, Zeynalova Zivər ali təhsilinin bakalavr pilləsini Azərbaycan Respublikasının Prezidenti yanında Dövlət İdarəçilik Akademiyasında, magistratura təhsilini isə Azərbaycan Dövlət İqtisad Universitetində başa vurmuşdur. Fəlsəfə doktoru elmi dərəcəsini Türkiye ve Orta Doğu Amme İdarəsi İnstitutunda almışdır.

Doktorantura təhsili müddətində Türkiyə ilə yanaşı, Kanadanın Karlton Universitetində fiskal siyasət və vergitutmanın sosial təsirləri üzrə müqayisəli elmi tədqiqatlar aparmışdır. Türkiyədə verilmiş elmi dərəcə təkrar attestasiya əsasında tanınaraq “Dünya iqtisadiyyatı” ixtisası üzrə fəlsəfə doktoru elmi dərəcəsinə ekvivalent sayılmışdır. Hazırda “Texnoloji innovasiyalar iqtisadiyyatı” istiqaməti üzrə elmlər doktoru proqramında tədqiqatçı kimi elmi fəaliyyətini davam etdirir.

Həmçinin oxuyun

11 günlük tətil: Kim qazanır, kim itirir? — Təhlil

İrandan sensassiyalı AÇIQLAMA: Bu iki ölkə ələ keçirilə bilər

TƏCİLİ! Tramp İranla bağlı qərar verdi

İTV necə idarə olunur? — Kanalın baş direktoru bu nazirin xalası oğludur

Z. Zeynalovanın elmi-pedaqoji fəaliyyəti beynəlxalq elmi mühitlə sıx inteqrasiya olunmuşdur. O, Kanada, Türkiyə, İspaniya, Çin və digər ölkələrdə həyata keçirilən elmi tədqiqat proqramlarında, beynəlxalq seminar və ixtisasartırma təlimlərində iştirak etmiş, müasir tədris metodları və elmi yanaşmalar üzrə bilik və bacarıqlarını davamlı şəkildə inkişaf etdirmişdir. Xaricdə əldə etdiyi akademik təcrübə onun elmi-pedaqoji fəaliyyətində innovativ yanaşmaların tətbiqinə geniş imkanlar yaratmışdır. 4 dərs vəsaiti, 4 kollektiv monoqrafiya və 100-dən çox elmi tədqiqatın müəllifidir.