Toydakı bu 4 əlamət gələcək boşanmanı təxmin edə bilir 

Təcrübəli toy təşkilatçısı gənclərin boşanıb-boşanmayacağını əvvəlcədən anlaya bildiyini deyir.

Uzun illərdir toy sahəsində çalışan təşkilatçı Robin Yarusso bəzi “qırmızı siqnallar”ın cütlüyün gələcəkdə ayrılığa gedə biləcəyini birmənalı şəkildə göstərdiyini bildirib.

Onun sözlərinə görə, bu xırda problemlər əslində münasibətlərdə daha dərin və ciddi çətinliklərin işarəsi ola bilər və bütün cütlüklər üçün bir xəbərdarlıq sayılmalıdır.

“Gəlin və bəyin boşanacağını onlar evlənməmişdən əvvəl belə deyə bilirəm… Mən təxminən 100 toy təşkil etmişəm və 25-30 nişan mərasimi görmüşəm. Sonradan boşanan cütlüklərdə bəzi şeylər təkrar-təkrar baş verirdi,” – deyə toy təşkilatçısı paylaşır.

Mütəxəssis aşağıdakı 4 əlaməti xüsusi olaraq qeyd edib:

1. Tortu bir-birinə atmaq

Yarussonun müşahidələrinə görə, onun təşkil etdiyi toylarda tort atma hadisəsi yaşanan cütlüklərin heç biri sonradan bir yerdə qalmayıb. Bu davranış zarafat kimi görünsə də, arxasında hörmətsizlik və aqressiya kimi problemlər dayana bilər.

2. Gizli xərclər və pul məsələlərində yalan

Əgər tərəflərdən biri digərindən gizlin maliyyə qərarları verirsə, bu, iki ciddi problemin göstəricisidir:

Həmçinin oxuyun

"Azəriqaz" öz səhvini vətəndaşın boynuna atdı: Qarlı havada körpəsi olan imkansız ailəni qazsız qoydu  +VİDEO

Ramiz Mehdiyevlə bağlı yeni qərar 

Yeni müavinlər təyin edildilər: Onlar KİMLƏRDİR?

Dövlət Əmək Müfəttişliyi Xidməti itə görə işdən çıxarılan fəhlə ilə bağlı AÇIQLAMA YAYDI

Birincisi, cütlük pul məsələsində razılaşmır (bu isə boşanma riskini artıran əsas səbəblərdən biridir), ikincisi isə həmin insan etibarsız davranır.

Mütəxəssis vurğulayır ki, maliyyədə yalan danışan biri münasibətin başqa sahələrində də dürüst olmaya bilər.

3. Həddindən artıq müdaxilə edən qayınana və ya baldız

Robin Yarusso bildirir ki, əgər gəlinin və ya bəyin anası münasibətə yersiz şəkildə qarışırsa və onun övladı buna qarşı sərhəd qoya bilmirsə, bu, çox vaxt nikahda ciddi problemlərə gətirib çıxarır.

Toksik qohumlar münasibəti ağırlaşdıra, ailədaxili gərginliyi artıraraq tərəflər arasında balansı poza bilər. Cütlük ailə həyatını qohum müdaxiləsi ilə düzgün tənzimləyə bilmədikdə, münaqişələr qaçılmaz olur.

4. Toya qarşı laqeyd və ya məsuliyyətsiz həyat yoldaşı

Mütəxəssis qeyd edir ki, toy hazırlığında tərəflərdən biri öz üzərinə düşən işi görmürsə, bütün yük digər tərəfin üstünə düşür. Bu isə zamanla yorğunluq, inciklik və narazılıq yaradır.

Nəticədə bir tərəfin daimi şəkildə “hər şeyi tək idarə etməsi” münasibətdə emosional gərginliyi artıraraq boşanma riskini yüksəldə bilər.Ekspertin fikrincə, toy günü görünən bu əlamətlər sadəcə “xırda epizod” deyil, gələcəkdə münasibəti dağıda biləcək problemlərin ilk işarəsi ola bilər./Lent.az