20 Yanvar – Tarixin Sınağında Milli Ləyaqət

news/2026_01_20/1000244175_1_1768853550.jpg

CƏMİYYƏT

20.01.2026, 09:10

1990-cı ilin 20 Yanvar hadisələri Azərbaycan xalqının tarixində ən ağır sınaqlardan biri olmaqla yanaşı, milli ləyaqətin və azadlıq iradəsinin sarsılmazlığını nümayiş etdirən taleyüklü mərhələdir. Totalitar sovet rejimi tərəfindən dinc əhaliyə qarşı törədilmiş bu hərbi təcavüz bir xalqın susdurulması deyil, əksinə, onun tarixi oyanışının başlanğıcı oldu.

Qanlı Yanvar gecəsi qadın, uşaq, qoca demədən silahsız insanların qətlə yetirilməsi insanlıq əleyhinə cinayət kimi tarixə həkk olundu. Lakin bu zorakılıq Azərbaycan xalqının milli birliyini zəiflətmədi, əksinə, onu daha da möhkəmləndirdi və müstəqil dövlət ideyasını dönməz etdi. Şəhidlərin qanı azadlıq yolunun müqəddəs rəmzinə çevrildi.

20 Yanvar faciəsinə ilk prinsipial siyasi-hüquqi qiymət Ümummilli Lider Heydər Əliyev tərəfindən verildi. Onun qətiyyətli mövqeyi bu faciənin mahiyyətini açaraq, onu Azərbaycan xalqına qarşı törədilmiş hərbi cinayət kimi tarixə saldı və milli yaddaşın qorunmasında həlledici rol oynadı.

Bu gün müstəqil Azərbaycan dövləti 20 Yanvar şəhidlərinin əmanətini layiqincə yaşadır. Prezident İlham Əliyevin rəhbərliyi ilə şəhid ailələrinə göstərilən dövlət qayğısı, ölkəmizin ərazi bütövlüyünün və suverenliyinin tam bərpası 20 Yanvarın ideya və amalının tarixi qələbəyə çevrildiyini təsdiqləyir.

20 Yanvar həm hüzn, həm də qürur tarixidir. Bu gün Azərbaycan xalqının milli iradəsinin, ləyaqətinin və azadlıq əzminin sarsılmazlığını ifadə edən əbədi yaddaş günüdür. Şəhidlərimizin əziz xatirəsi daim qəlbimizdə yaşayacaq.

Yeni Azərbaycan Partiyasının üzvü Vüsal Hümbətzadə

Həmçinin oxuyun

Qara görə məktəblər bağlana bilərmi? Təhsil eksperti mümkün ssenariləri açıqladı

Talıb Talenin ailəsində ağır itki - Foto

DİQQƏT! Əhaliyə müraciət edildi:Hazırda ölkə ərazisində...

Bu ərazilərə güclü QAR YAĞIR:Güclü şaxta da var