Hər gün içirik, amma səhv edirik—Nevroloqdan kofe xəbərdarlığı!

CƏMİYYƏT

663

19.01.2026, 20:21

Xəbərlərimizi Google-da izləyin

Yeniliklərdən dərhal xəbərdar olun

Bəzilərimiz günə bir fincan kofe ilə başlayırıq, bəs bu vərdişin beynimizdə hansı inqilabi dəyişikliklərə səbəb olduğunu bilirikmi?

Oxu24.com-a danışan tanınmış uzman nevroloq Dr. Nailə Ələkbərova kofenin nevroloji xəstəliklərə qarşı inanılmaz təsirlərindən danışıb. Deməli, düzgün seçilmiş kofe sadəcə enerji vermir, həm də ağır xəstəliklərdən qoruyur.

“Kofe ilə bağlı bir neçə nevroloji xəstəlik üzərində araşdırmalar aparılıb və öyrənilib ki, multiplskleroz, Alzheimer kimi xəstəliklərdə kofe içmək faydalıdır.

Bu zaman kofenin tərkibində kafein, polifenol kimi antioksidant maddələr sayəsində diqqət yaxşılaşır, öyrənmə qabiliyyəti, yaddaş güclənir və eyni zamanda Alzheimer xəstəliyində beyində toplanan amiloid plaklarda azalma müşahidə olunur.

Amma hansı kofeni içək? Necə hazırlamalıyıq?

Burada əsas məqam budur: İstifadə etdiyimiz kofe natural kofe olmalıdır. Aldığımız natural kofe dənələrini dəmləmə üsulu ilə hazırlamağımız vacibdir. Həmdə natural kofenin az qovrulmasına da diqqət etmək lazımdır.

Təəssüf ki, “Coffe shop”larda satışda olan bir çox kofelər, hansı ki, tərkibində bəzi əlavə maddələr var. Xüsusilə toksik sayılan pestisid və digər sintetik maddələr.

Onlar daha çox qovrulmuş kofe növləridir. Bunların sağlamlığa faydadan çox ziyanı var. Ona görə də söylədiyim məqamları nəzərə alsanız sizə faydalı olar”.

Sağlam bir beyin üçün seçiminizi düzgün edin – kofeniz həm təbii, həm də doğru hazırlanmış olsun!

Çimnaz Telmanqızı

Həmçinin oxuyun