Azərbaycanda bu məmurlar bir-birləri ilə qohumdur — SİYAHI

CƏMİYYƏT

2582

19.01.2026, 17:25

Oxu24.com bu dəfə Azərbaycanda bir-birinə qohum olan məmurlarla bağlı maraqlı faktları əldə edib.

Həmin siyahını təqdim edirik:

İqtisadiyyat naziri Mikayıl Cabbarovun qayınatası, yüksək vəzifədə çalışır. Belə ki, nazirin qayınatası Kamran İmanov Əqli Mülkiyyət Agentliyinin sədridir. Bundan öncə Müəllif Hüquqları Agentliyinə və Tələbə Qəbulu üzrə Dövlət Komissiyasına rəhbərlik edib. Kamran İmanovun məmur kimi fəaliyyəti Cabbarovun nazir fəaliyyətindən öncəyə təsadüf edir.

Ombudsman Səbinə Əliyeva Milli Məclisin Regional məsələlər komitəsinin sədri, deputat Siyavuş Novruzovun həyat yoldaşıdır. Onun atası Yaşar Əliyev isə uzun müddət Azərbaycanın xarici ölkələrdə səfiri, Milli Məclisin sədr müavini olub.

Milli Məclisin Səhiyyə komitəsinin sədri, Azərbaycan Tibb Universitetinin sabiq rektoru Əhliman Əmiraslanovun oğlu Tapdıq Əmiraslanov Fövqəladə Hallar nazirinin müavinidir. Ə.Əmiraslanovun daha bir qohumu Ramin Bayramlı isə Tibbi Ərazi Bölmələrini İdarəetmə Birliyi (TƏBİB) İdarə Heyətinin sədri vəzifəsində çalışıb. Barəsində davamlı tənqidlər səsləndirildikdən sonra vəzifəsindən azad edilib.

Xarici İşlər naziri Ceyhun Bayramovun qardaşı yüksək vəzifədədir. Azər Bayramov iqtisadiyyat nazirinin müavinidir.

Ali məhkəmənin sədri İnam Kərimovun qardaşı yüksək vəzifədə çalışır. Mətin Kərimli elm və təhsil nazirliyinin aparat rəhbəridir.

Həmçinin oxuyun

Ölənlər və yaralılar bunlardır: SİYAHI +FOTOLAR

Kərtənkələ ilanı görün nə hala saldı — Heyvanların döyüş VİDEOSU

FHN əhaliyə xəbərdarlıq etdi:Leysan,qar olacaq

Azərbaycanda pensiya yaşını keçən icra başçıları - SİYAHI

Ədliyyə naziri Fərid Əhmədovun xalasının həyat yoldaşı Pentensiar Xidmətin rəis müavini general Oqtay Məmmədovdur.

Energetika naziri Pərviz Şahbazovun atası yüksək vəzifədədir. Oqtay Şahbazov uzun illər Prezident Adminstrasiyasında yüksək vəzifə tutub.

Zaqatala rayon İcra Hakimiyyətinin başçısı Mübariz Əhmədzadə Baş nazirin köməkçisi vəzifəsində çalışan Əhməd Əhmədzadənin qardaşıdır.

Azərbaycanın ən nüfuzlu məmurlarından biri, fövqəladə hallar naziri Kəmaləddin Heydərov.Dövlət Sərhəd Xidmətinin rəisi Elçin Quliyevin qızını gəlin gətirib. Nazirin kiçik oğlu Nicat Heydərov Elçin Quliyevin qızını almaqla qohum olan məmurların siyahısını artırıb.