Qəzada balaca Sərxanı xilas edən polis – Müşfiq Gözəlov kimdir?

CƏMİYYƏT

410

17.01.2026, 12:57

Ağır yol qəzası nəticəsində beyin travması alan 10 yaşlı Sərxan günlərlə həyat uğrunda mübarizə apardıqdan sonra xəstəxanadan çıxıb. Hadisə anında məktəbdəki tədbirdə aldığı hədiyyəyə baxan balaca oğlanın həyatını möcüzə xilas edib.

Oxu24.com xəbər verir ki, bu barədə TV jurnalist Səadət Məmmədova Facebook səhifəsində duyğusal paylaşım edib.

O,bildirib ki, bu möcüzənin arxasında polis polkovnik-leytenant Müşfiq Gözəlov dayanır. Qəza zamanı Müşfiq ilk növbədə hadisəni törədənləri yox, balaca Sərxanı düşünüb, onu dərhal təcili tibbi yardım briqadasına çatdırıb və valideynlər yetişənədək başının üstündə olub.

Fotoda Mikayıl Gözəlov və övladı Müşfiq Gözəlov

Həmçinin oxuyun

Metroda ölən şəxs görün kim imiş - FOTO

Prezidentin 46 günlük məzuniyyətlə bağlı təsdiqlədiyi qanunun əhəmiyyəti nədir? — Ekspert AÇIQLADI

İranda baş verənlərin Rusiya üçün təhlükəsi NƏDİR?

Əhaliyə qarla bağlı RƏSMİ XƏBƏRDARLIQ edildi — Bu tarixdə

Müşfiq Gözəlov təkcə qəhrəmanlığı ilə deyil, həm də mənəvi dəyərləri ilə diqqət çəkir. O, Qarabağ müharibəsinin ilk şəhidlərindən biri, Şuşa İH başçısı Mikayıl Gözəlovun oğludur. Atası qətlə yetiriləndə Müşfiq hələ 3 yaşına çatmamışdı.

Jurnalist Səadət Məmmədova qeyd edir ki, Gözəlovlar nəsildən xeyirxah, alicənab və vicdanlı insanlardır. Müşfiqin atası Qoca dayı da xeyirxahlığı ilə tanınırdı və kənar yerlərdən kömək istəməyə gələn heç kəsi boş qaytarmırdı.

“Yaxşı kişilərin yaxşı övladları olur”, – deyə Səadət Məmmədova yazır. Allah hər iki rəhmətlik Mikayıl və Qoca Gözəlovun ruhunu şad etsin, Müşfiq kimi insanlara can sağlığı, Sərxan və bütün uşaqlara isə təhlükəsiz gələcək nəsib etsin.

Qeyd edək ki,şəhid Mikayıl Gözəlovun digər övladı Səbinə Gözəlova Şuşa şəhər tam orta məktəbinin direktorudur.

Hazırladı: Turan Etibaroğlu